Actualitats
35n rescontre d’occitans e catalans al pòrt de Salau
Los parladisses an soslinhat la repression politica e la regression lingüistica tant en Catalonha coma en Occitània, e an demandat mai d’ajudas oficialas
Tèxte legit
Pel 35n còp occitans e catalans se son retrobats lo primièr dimenge d’agost en la tradicionala pojada al Pòrt de Salau, a 2100 mètres d'altitud. Los occitans partisson de Salau (Coserans) e los catalans de la vila catalana d’Esterri d’Àneu. L’amassada, organizada pel CAÒC e per l’ASPIC, es venguda un simbòl d’amistat e de revendicacion nacionala dels dos pòbles vesins. Aquela revendicacion ongan s’es refortida amb la commemoracion dels dètz ans d’oficialitat de l’occitan en Catalonha e Aran, e a beneficiat, entre tant, de la participacion del president de l’Institut d’Estudis Araneses, Acadèmia Aranesa de la Lenga Occitana, Jèp de Montoya.
Ongan, malgrat la menaça d’auratges, l’eveniment a amassat environ 250 personas.
Los parladisses soslinhèron la repression politica e la regression lingüistica tant en Catalonha coma en Occitània, e demandèron mai d’ajudas oficialas.
Coma totjorn, se faguèt d’actes d’afrairament, d’escambis de produches dels dos terraires, de danças tradicionalas, de discorses de benvenguda, e fin finala s’issèt las bandièras de las doas nacions del temps que lo mond cantavan Se Canta e Els Segadors.
L’emplaçament d’aquel pòrt es simbolic: es un camin natural entre Occitània e Catalonha qu’a servit istoricament per connectar los dos pòbles.
Per arribar al pòrt, als occitans lor cal caminar tres oras del temps que los catalans sonque marchan 45 minutas. Es per aquò que tradicionalament los occitans i pòrtan lo formatge e los catalans lo vin.
Ongan, malgrat la menaça d’auratges, l’eveniment a amassat environ 250 personas.
Los parladisses soslinhèron la repression politica e la regression lingüistica tant en Catalonha coma en Occitània, e demandèron mai d’ajudas oficialas.
Coma totjorn, se faguèt d’actes d’afrairament, d’escambis de produches dels dos terraires, de danças tradicionalas, de discorses de benvenguda, e fin finala s’issèt las bandièras de las doas nacions del temps que lo mond cantavan Se Canta e Els Segadors.
L’emplaçament d’aquel pòrt es simbolic: es un camin natural entre Occitània e Catalonha qu’a servit istoricament per connectar los dos pòbles.
Per arribar al pòrt, als occitans lor cal caminar tres oras del temps que los catalans sonque marchan 45 minutas. Es per aquò que tradicionalament los occitans i pòrtan lo formatge e los catalans lo vin.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ens trobem, i ens trobarem sempre, només falta saber quin dia ens decidim!
Visca la Terra...Lliure!
L'Ernest, "El Tàrrega".
#1
Marchar e subretot pujar. E tant val pujar que non pas davalar!
Los Catalans vos fan marchar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari