Nòu ans après lor arribada sus aquela tèrra africana ont foguèron aculhits coma de “salvadors”, los darrièrs militars acabèron diluns passat de quitar lo país, dins un ambient electric, a causa de la pojada de las tensions de part del novèl govèrn dels coronèls e de l’ostilitat creissenta de la populacion.
 
Lo Ministèri francés de las Armadas o anoncièt diluns passat: los darrièrs soldats franceses an quitat Mali, a causa, per bona part, de las tensions creissentas entre lo govèrn francés e la junta militara qu’a pres lo poder a Bamako. Un sentiment d’ostilitat s’es tanben desvolopat al dintre de la populacion maliana qu’acusa l’armada francesa d’inaccion dins la lucha antijihadista.
 
Aquò marca la fin de l’operacion militara dicha “Barkhane” (nom d’origina aràbia que designa una duna alongada en forma de creissent, en occitan se ditz barcan o barcana).
 
Lo retirament de l’armada francesa se fa malgrat un retorn de la violéncia jihadista que la junta militara e son novèl aliat, lo grop paramilitar rus Wagner, capitan pas a conténer. Dempuèi 2021, se compta mai de 2000 victimas civilas dins aqueles païses, mai que mai tuats dins d’atemptats.
 
Totun, lo govèrn francés vòl demorar dins la region e a tornat distribuir sas fòrças en Nigèr, Chad e Burkina Faso.
 
En 9 ans de preséncia, l’armada francesa a perdut 59 soldats.
 
 

#Barkhane | Ce jour, les derniers militaires de @Barkhane_OP présents sur le sol malien ont franchi la frontière entre le Mali et le Niger. Ils provenaient de la plateforme opérationnelle désert de Gao, désormais transférée aux Forces armées Maliennes. pic.twitter.com/mducbnMP6V

— Armée française - Opérations militaires (@EtatMajorFR) August 15, 2022

 

“We acted like a big brother who would turn to his little brother and tell him what to do and not do,” a former French top military official said about France in Mali. “We’ve been the know-it-all trying to apply templates that weren’t suited to them.” https://t.co/TAQOLAjJE4

— New York Times World (@nytimesworld) August 15, 2022

 

As relations between #France and #Mali deteriorate, demonstrations call for the colonial Barkhane forces to leave #Gao permanently. https://t.co/M0hl3QnJdk

— Al Mayadeen English (@MayadeenEnglish) August 15, 2022