Actualitats
Un desastre ecologic dins lo flume Oder daissa de tonas de peisses mòrts
Alemanha acusa Polonha d’aver pas agit pro lèu, del temps que las autoritats polonesas son a enquistar sus las causas de la calamitat, encara desconegudas
Tèxte legit
Un desastre ecologic dins flume Oder, qu’actualament fa la frontièra politica entre Alemanha e Polonha, daissa de tonas de peisses mòrts. Los pompièrs poloneses assolidan d’aver extrach mai de cent tonas de peisses d’Oder e d’un afluent mentre que la ministra alemanda de l’environament, Steffi Lemke, confirmava dimècres 36 tonas de peisses mòrts del caire alemand.
Lo govèrn polonés a entamenat una enquista e a quitament prepausat una recompensa d’un milion d’eslòtis (aperaquí 214 000 èuros) per qui portariá d’informacions que poguèsson esclarzir l’origina de la calamitat.
Lo ministèri public a interrogat mai de 200 testimònis e a vesitat 12 sits per avançar dins l’enquista, çò a dich lo 2d viceprocuraire general Krzysztof Sierak. Tanben s’es demandat l’ajuda de laboratòris estrangièrs qu’analisan de mòstras d’aiga.
Se privilègian tres ipotèsis per explicar lo desastre: un empoisonament massís per un eventual escampament de produches quimics, un ipotetic escampament de residús industrials o de causas naturalas degudas de l’aument de las temperaturas e de la salinitat de las aigas.
Per ara, los cercaires an detectat de traças d’una alga toxica dins las aigas del flume. La ministra de l’environament polonesa, Anna Moskwa, a assabentat de la deteccion “de microorganismes estranhs” d'una sòrta d'alga que, en florissent, libèra de toxinas potencialament mortalas per d’autres organismes vius.
De lor latz, las autoritats alemandas suggerisson que Polonha a pas agit pro lèu per afrontar l’emergéncia.
Lo govèrn polonés a entamenat una enquista e a quitament prepausat una recompensa d’un milion d’eslòtis (aperaquí 214 000 èuros) per qui portariá d’informacions que poguèsson esclarzir l’origina de la calamitat.
Lo ministèri public a interrogat mai de 200 testimònis e a vesitat 12 sits per avançar dins l’enquista, çò a dich lo 2d viceprocuraire general Krzysztof Sierak. Tanben s’es demandat l’ajuda de laboratòris estrangièrs qu’analisan de mòstras d’aiga.
Se privilègian tres ipotèsis per explicar lo desastre: un empoisonament massís per un eventual escampament de produches quimics, un ipotetic escampament de residús industrials o de causas naturalas degudas de l’aument de las temperaturas e de la salinitat de las aigas.
Per ara, los cercaires an detectat de traças d’una alga toxica dins las aigas del flume. La ministra de l’environament polonesa, Anna Moskwa, a assabentat de la deteccion “de microorganismes estranhs” d'una sòrta d'alga que, en florissent, libèra de toxinas potencialament mortalas per d’autres organismes vius.
De lor latz, las autoritats alemandas suggerisson que Polonha a pas agit pro lèu per afrontar l’emergéncia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari