Actualitats
Après los incendis, las tempèstas
La crisi climatica pòrta d’auratges totjorn que mai devastaires
Tèxte legit
Las consequéncias del cambiament climatic son terriblas en Occitània e endacòm mai. Après los incendis son vengudas las tempèstas qu’an fach d’estralhs per tot l’occident europèu. De soslinhar la tempèsta que l’a patida Corsega ont se rapòrta fins ara sièis mòrts a causa de pluèjas, de granissas e de vents de 224 km/h. Aquel bilanç es provisòri e pòt venir mai tragic encara. Lo govèrn francés declararà l’estat de “catastròfa naturala”.
“Lo bacin mediterranèu es particularament expausat al cambiament climatic”, çò avertís Florian Petillon, cercaire al laboratòri d’aerologia a Tolosa. “Una mar mai cauda fornirà doncas mai d’umiditat a l'atmosfèra. Consequéncia: las precipitacions seràn mai intensas”, çò rapòrta Reporterre. Petillon remarca, totun, que los auratges seràn mai nombroses mas pas forçadament mai intenses.
La crisi climatica pòrta de temporals totjorn que mai devastaires, e Reporterre ne publica una analisi interessanta.
“Lo bacin mediterranèu es particularament expausat al cambiament climatic”, çò avertís Florian Petillon, cercaire al laboratòri d’aerologia a Tolosa. “Una mar mai cauda fornirà doncas mai d’umiditat a l'atmosfèra. Consequéncia: las precipitacions seràn mai intensas”, çò rapòrta Reporterre. Petillon remarca, totun, que los auratges seràn mai nombroses mas pas forçadament mai intenses.
La crisi climatica pòrta de temporals totjorn que mai devastaires, e Reporterre ne publica una analisi interessanta.
Violent storms have killed several people and left about 35,000 homes without power on the Mediterranean island of Corsica. pic.twitter.com/ecuFuXTwar
— DW News (@dwnews) August 19, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per preparar las gents a s' acarar a tots aqueths dangièrs deu cambiament climatic , qué hèi lo govern ?
Plans de prevencion son apitats ? Coma s'i preparar , las gents ne son ensenhadas ? de çò que fau hèser e ne pas hèser ? arren ! las gents son deishadas soletas e ignorantas .
Per comparar : En Polinesia, a las Antilhas , au contrari, tanlèu que comença la sason ciclonica , totas las precaucions son ditas e ditas e ditas . Ràdios, Tv, las ensenhan mei d'un còp cada jorn . Quitament s'apren a l'escola !
=>> las gents an una "cultura ciclonica" , son preparadas, saben çò que fau héser , e çò que pòt èster dangierós . Viven "damb" aqueth risc , saben que ne fau pas aubres proches a l'entorn de l'ostau , o los podar cada an, pòrtas, frièstas , teits deus ostaus son calculats, vissats d'un biais especiau ,e
verificats cada an, ... E quan plau tròp, digun ne sortis pas , ne van pas enlòc , saben que l'aiga pujarà , e pòt tot negar lèu hèit.
Ara, lo monde se deven acostumar de víver damb una natura descabestrada.
E tot permèirs los governs èster RESPONSABLES.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari