Pel cinquen còp en mens de dos meses, los ciutadans del Reialme Unit vegèron dimècres passat una cauma dels salariats dels camins de fèrre qu’arrestèt almens la mitat dels trens de tot l’estat. Es l’inflacion dels prèses e non pas la dels salaris que mobilizèt los caminòts britanics, dont environ 40 000 seguiguèron la cauma. Anóncian que dissabte la tornaràn far. “Los salariats son totalament engatjats dins la cauma”, çò a dich Mike Lynch, secretari general del sindicat RTM qu’es vengut un simbòl de la protèsta. De remarcar que l’èx-cap trabalhista Jeremy Corbyn sostenguèt ièr Lynch a la gara d’Euston.
 
La situacion sembla complicada pel govèrn britanic que se vei incapable d’arrestar aquelas protèstas que s’estendon a d’autres sectors e fan preveire una rintrada cauda. “I a un movement pel cambiament. Sabi pas se i aurà una cauma generala dins los tèrmes tradicionals, mas es segur que i aurà una èrsa de solidaritat. I aurà una èrsa d'accions sincronizadas entre los sindicats”, çò a assegurat Lynch.
 
E mai la cauma dels trens siá un problèma pels abitants del país, mai que mai pels que n’an de besonh per se desplaçar al trabalh, lo sosten a la cauma es popular puèi que la demanda de salaris pus nauts es partejada per una part considerabla de la societat. De soslinhar que dimars l’inflacion arribèt al 10,1%, çò es la chifra pus nauta dels darrièrs 40 ans. Malgrat l’aument dels salaris, lo poder de crompa dels britanics tombèt d’un 3% entre abril e junh passats e ara aquela donada serà pus nauta. L’aument dels prèses es mai que mai remarcable dins l’energia e se crenh qu’un tèrç dels britanics pòscan pas pagar lo gas o l’electricitat l’ivèrn que ven.
 

Cut Profits not Ticket Offices Day of Action at Windermere this afternoon supported by Steve Bavin Liberal Democrat Westmorland and Furness Councillor for Bowness and Lyth and Karen Lockney Labour Cumbria County Councillor for Carlisle Denton Holme. pic.twitter.com/rlZ2P1PH83

— RMT (@RMTunion) August 23, 2022

 

Another one from King’s Cross this morning. pic.twitter.com/PKhuyUTVjV

— Daniel Randall (@therubykid) August 23, 2022