A una setmana de la rintrada, i a penúria d’ensenhaires; dins tot l’estat lo 17% dels pòstes son pas estats provesits. Dins aquel encastre, Lo rectorat de Bordèu a aviat una campanha de recrutament dins los jornals del grop Sud-Ouest per fin de trobar de contractuals perque fòrça professors mancan a l’apèl.
 
“L'istòria-geografia, la tecnologia e las letras son las disciplinas mai en tension”, çò explica al micro de BFMTV Anne Bisagni-Faure, rectritz de l'acadèmia de Bordèu.
De matèrias que comptan tròp pauc de diplomats ongan, e que capitan pas a seduire los contractuals. “I a un rebomb economic qu'aumenta mai la concurréncia amb d'autras possibilitats d'emplec per de personas contractualas", çò precisa.
 
Las causas son de remuneracions pauc atractivas e sustot que lo mestièr ven cada còp de pièger exercir jornadièrament. Pels contractuals que seràn recrutats ongan dins l'acadèmia de Bordèu, un diplòma que valide almens tres ans d'estudis superiors es requerit e lo salari mesadièr poirà anar de 1500 èuros bruts a 2000 èuros bruts. Lo contracte, un CDD, serà al maxim de 12 meses.

 

« Devenez professeurs » : dès ce mercredi , le rectorat de Bordeaux va passer par la presse régionale et les journaux du groupe Sud-Ouest pour tenter de recruter un maximum d’enseignants. Salaire mensuel de 1 500 euros brut à 2000 euros brut https://t.co/XKmX7geaDDpic.twitter.com/UV4wfu6ysH

— Niadolphe nimao (@niadolphe) August 25, 2022