L’Union Europèa anoncièt dissabte que Serbia e Kosova èran arribats a un acòrdi per metre lo ponch final a la crisi d’aqueste mes d’agost a prepaus de las placas d’immatriculacion e dels documents exigits per traversar las frontièras. Desenant, los ciutadans dels estats sèrbe e kosovar poiràn passar la frontièra d’un costat a l’autre amb lor documentacion sens besonh de papièrs addicionals. Los dos estats se son engatjats e, segon lo Naut Representant per la Politica Exteriora de l’UE, Josep Borrell, “l’UE ne ven de recebre de garentidas del primièr ministre de Kosova, Albin Kurti”.
 
La tension comencèt al començament d’agost quand la polícia kosovara aguèt declarat d’èsser la buta de còps de fuòc a la frontièra nòrd del país, ont de barricadas s’èran erigidas sus de rotas devèrs Serbia per protestar contra la nòva politica frontalièra del govèrn. A causa de las tensions e après consultar los ambaissadors de l’UE e dels Estats Units, Prishtina aviá reportat d’un mes l’intrada en vigor de las nòvas règlas a la frontièra sèrba.