Las inondacions provocadas per las pluèjas de monson en Paquistan an fach mai d’un milièr de mòrts dempuèi junh passat, e environ 120 dins las darrièras oras. Lo país patís de pluèjas ininterrompudas dempuèi mai d’una setmana qu’an devastat lo païsatge e mai d’un milion d’abitatges. Las autoritats calculan que 33 milions de paquistaneses (1 abitant sus 7) son afectats per la catastròfa. Los aigats arriban dins un encastre de crisi politica e economica. Lo govèrn a mobilizat l’armada e declarèt divendres l’estat d’emergéncia.
 
Aquesta darrièra pluèja de monson es l’ochena d’ongan, un fenomèn pas brica abitual. Los climatològs ne prevesián 4 e a partir de la seisena comencèron de s’inquietar. Segon l’ONG Germanwatch, Paquistan es un dels païses mai menaçats pels fenomèns metereologics extrèms.
 
 
Risc de grèva famina en Afganistan
 
D’autre latz, en Afganistan, en plena crisi economica e sociala jol regim dels talibans, se calcula que las inondacions aurián causat la mòrt de dos cents estatjants e de milièrs d’animals de bòrda, e la destruccion dels coltius. De soslinhar que lo país aviá ja patit ongan un tèrratrem de magnitud 6,1 que daissèt un milièr de mòrts e una secada sens precedent. Lo govèrn taliban, coma lo paquistanés, a demandat d’ajuda internacionala.

 
 
 

522% més de pluja que normalment: Pakistan declares floods a ‘climate catastrophe’ as death toll tops 1,000 https://t.co/ejJwdwgUxv#Pakistan#emergènciaclimaticapic.twitter.com/tvuz732ooA

— Joan Buades  (@adrar09) August 29, 2022

 

Give your donations to Threek Labbaik ya Rasool Allah  Pakistan to help the peoples who facing flood .#عوام_کاسہارابنو_لبیک_کاساتھ_دوpic.twitter.com/OUlPD8voCg

— M_Moeed01 (@M_Moeed01) August 27, 2022