Al 30 d’agost, lo MW/h còsta 459 èuros en Aran, 706 èuros a las Valadas e 743 èuros dins la rèsta d’Occitània. E mai en Aran l’electricitat siá fòrça cara, a l’ora d’ara es la mens cara d’Occitània. La rason es que l’Union Europèa apliquèt en junh passat la dicha “excepcion iberica“ per Espanha e Portugal, çò es un mecanisme que limita lo prètz de l’electricitat generada per gas. Espandir aquela “excepcion” en tot desligar los prèses del gas e de l’electricitat es una de las mesuras que se van prene.

Lo prètz de l’electricitat es arribat a de limits insuportables. Brussèlas vòl intervenir per ne reformar estructuralament lo mercat. Dins aquel sens, la Comission Europèa trabalha per una “intervencion d’emergéncia” e una reforma estructurala del mercat electric perque lo modèl actual “es pas pus bon”, segon la presidenta de la Comission, Ursula von der Leyen.
 
Chequia, qu’ara ten la presidéncia viradissa de l’UE, a convocat pel 9 de setembre una reünion extraordinària dels ministres de l’energia per abordar la fòrta pujada de prèses.
 
 
Combatre la dependéncia envèrs Russia
 
Pal respècte de la dependéncia energetica envèrs Russia, Von der Leyen a avertit que se caliá preparar “per una interrupcion totala del gas rus”. Dins aquel sens a assegurat que l’UE aviá capitat a aumentar “amb la velocitat d’un lamp”  las importacions de gas d’endacòm mai, e a remembrat que Brussèlas demandava als estats de l’UE que reduguèsson lo consum de gas d’un 15%.
 
A mai, a assegurat que caliá accelerar la transicion devèrs las energias renovelablas en tot far referéncia al programa RePowerEu qu’i investís 300 miliards d’èuros. “L’èra dels combustibles fossils russes en Euròpa arriba a sa fin”, çò a dich en tot conclure: “Cada quilowatt d’electricitat qu'Euròpa genèra d’energia solara, eoliana, idraulica, de biomassa, geotermica o d’idrogèn verd nos fa venir mens dependent del gas rus”.
 
 
Élisabeth Borne preven las entrepresas
 
De son caire, la primièra ministra francesa, Élisabeth Borne, a demandat a las entrepresas d’elaborar lors pròpris “plans de sobrietat” energetica per reduire lo consum d’electricitat d’un 10%, e los a avisats que se s’arriba al racionament “las entrepresas seràn las primièras afectadas”.

 
 

EN DIRECT | Intervention d’@Elisabeth_Borne devant les entrepreneurs de France.
https://t.co/r95is2BDjl

— Gouvernement (@gouvernementFR) August 29, 2022

 

Die aktuelle Energiekrise, der Europäische Green Deal, der Weg hin zu einer digitaleren und nachhaltigeren Wirtschaft und die Zukunft Europas.

Drängende Themen für die Diskussion mit Vize-Kanzler Robert Habeck im @BMWK und live hier ↓ https://t.co/itZmxaHy3f

— Ursula von der Leyen (@vonderleyen) August 29, 2022