Los ministres de las defensas de l’Union Europèa (UE) convenguèron dimars de prefigurar la creacion d’una mission d’entraïnament de l’armada ucraïnesa en plena invasion russa. “I a fòrça iniciativas d’entraïnament aviadas, mas los besonhs son enòrmes e nos cal assegurar la coeréncia d’aqueles esfòrces”, çò diguèt lo naut representant de l’UE, Josep Borrell. L’idèa es de crear una mission de l’UE que supère las que ja se son mesas en òbra dins diferents estats membres. L’acòrdi politic dels 27 es lo primièr pas per que se pòsca crear la mission d’entraïnament militar en Ucraïna. Per Borrell, desenant cal definir los paramètres legals e operacionals de la mission per que se decidisca definitivament sa creacion.
 
“Devèm èsser rapids, ambicioses e demostrar de valor aponduda e de flexibilitat”, çò diguèt Borrell en clavant la reünion. Lo naut representant justifiquèt lo besonh de mission d’entraïnament de l’armada ucraïnesa perque, a mai de provesir Ucraïna de material militar, cal abordar “cossí se mena la guèrra”. Segon Borrell, los 27 se son engatjats a “contunhar de sosténer Ucraïna tant coma caldrà e pendent lo temps que caldrà”.

 

Les ministres de la défense des 27 pays de l'UE ont confirmé qu'ils étaient prêts à envoyer autant d'aide à l'Ukraine que nécessaire et aussi longtemps que nécessaire. C'est ce qu'a annoncé le 30 août le chef de la diplomatie européenne, Josep Borrell. https://t.co/hN3FrKll8Z

— SCUkraine (@sylcha06) August 30, 2022

 

L'UE decide di avviare i lavori per la missione di addestramento militare in Ucraina.

“Tutti gli Stati membri sono chiaramente d'accordo su questo e sull'avvio del lavoro necessario” - Borrell dopo l'incontro informale a Praga.https://t.co/DezznGRsBR

— Han Skelsen (@HSkelsen) August 30, 2022