Diluns passat èra lo segond anniversari d’aquela tragèdia. Lo jornal The Atlantic mòstra dètz e uèch espacis afectats pel tsunami e fotografiats, dempuèi un meteis ponch, dos còps: lo primièr pauques jorns après la catastròfa, e l’autre, fa qualques jorns.
Japon visquèt diluns passat lo segond anniversari del pièger desastre natural de la siá istòria: un tèrratrem de 9 gras que causèt lo tsunami que devastèt la còsta èst del país e causèt l’accident a la centrala nucleara de Fukushima, considerat tan grèu coma lo de Chornobyl. Lo resultat foguèt mai de 17 000 mòrts, 3000 desapareguts, 120 000 ostals destruits, un còst de près de 200 miliards d’èuros e los dobtes a prepaus de las radiacions nuclearas e las sequèlas que pòscan daissar als abitants de la zòna.
Dos ans puèi, la reconstruccion contunha d’avançar. N’es una pròva la seguida de fotografias interactivas qu’a publicadas lo jornal The Atlantic. Las podètz veire aicí e, en clicant dessús cada imatge, podètz veire cossí es ara cadun dels espacis fotografiats e cossí èra just après la catastròfa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Benlèu se mobilisan mens. Mas sustot los medias franceses dison pas res sul sicut. Devon cranher de perdre la publicitat d'Areva e d'EDF. E per acabar de tuar lo taur, de jornalistas mediatics "que fan l'opinion" coma lo Duhamel t'explican que sèm passats al post Fukushima. Afanatz-vos, i a pas res a veire! E lo que pensa pas coma ieu es un nèci.
Per ésser informat cal anar veire "reseau pour sortir du nucléaire". I a un fum de nòvas sus lo nuclear e las energias renovablas. A mai i a lo Paul Quilès, ancian ministre de las armadas, un especialista doncas, qu'ajusta son testimòni sus l'inutilitat e la dangerosietat del nuclear.
Avèm l'impression que los Japoneses vòlon passar a quicòm mai ... Emai poguèsson pas desbrembar aqeula tragèdia. Mas se mobilizan de mens en mens contra lo nucleari (mentre que foguèron numeroses per las carrièras l'estiu passat). E d'aquel temps, China vòl desvolopar lo sieu pargue de centralas nuclearas (vertat es que China ne compta pas que sièis a l'ora d'ara ... fa pauc per un estat tant espandit).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari