Actualitats
Es mòrt Mikhail Gorbachov, lo darrièr cap de l’Union Sovietica
Engatjat al servici de l’URSS, entamenèt de reformas democraticas mas podèt pas evitar sa dissolucion
Tèxte legit
Mikhail Gorbachov defuntèt ièr dimars 30 d’agost a 91 ans après una longa malautiá, çò rapòrta l’agéncia TASS.
Cap del Partit Comunista en 1985, puèi president de l’URSS en 1990, Gorbachov entamenèt dos procèsses politics ambicioses: la Perestroika (en rus“restructuracion”), que cercava de descentralizar la presa de decisions economicas per ne melhorar l'eficacitat, e la Glasnòst (en rus “transparéncia”) que cercava la libertat de premsa e d’expression. A mai, se retirèt de la guèrra d’Afganistan, pachèt la limitacion de las armas nuclearas amb Ronald Reagan e metèt lo ponch final a la Guèrra Freja. E mai foguèsse engatjat al servici de l’Union Sovietica, jos son mandat divèrsas republicas sovieticas venguèron independentas.
Foguèt secretari general del Partit Comunista de l'Union Sovietica entre 1985 e 1991, president del Soviet Suprèm de 1988 a 1989 e president de l'Union Sovietica entre 1990 e 1991. En agost de 1991, de militars malcontents de sas reformas e de las independéncias faguèron un còp d’estat, mas poguèron pas reviscolar lo regim sovietic, e accelerèron malgrat eles la fin de l’URSS.
Foguèt laureat del prèmi Nobel de la patz en 1990. Après la casuda de l’URSS, assagèt d’aver tornarmai un ròtle politic important, en fondant de partits e en criticant la Russia de Putin, mas capitèt pas a aténher la meteissa influéncia.
Cap del Partit Comunista en 1985, puèi president de l’URSS en 1990, Gorbachov entamenèt dos procèsses politics ambicioses: la Perestroika (en rus“restructuracion”), que cercava de descentralizar la presa de decisions economicas per ne melhorar l'eficacitat, e la Glasnòst (en rus “transparéncia”) que cercava la libertat de premsa e d’expression. A mai, se retirèt de la guèrra d’Afganistan, pachèt la limitacion de las armas nuclearas amb Ronald Reagan e metèt lo ponch final a la Guèrra Freja. E mai foguèsse engatjat al servici de l’Union Sovietica, jos son mandat divèrsas republicas sovieticas venguèron independentas.
Foguèt secretari general del Partit Comunista de l'Union Sovietica entre 1985 e 1991, president del Soviet Suprèm de 1988 a 1989 e president de l'Union Sovietica entre 1990 e 1991. En agost de 1991, de militars malcontents de sas reformas e de las independéncias faguèron un còp d’estat, mas poguèron pas reviscolar lo regim sovietic, e accelerèron malgrat eles la fin de l’URSS.
Foguèt laureat del prèmi Nobel de la patz en 1990. Après la casuda de l’URSS, assagèt d’aver tornarmai un ròtle politic important, en fondant de partits e en criticant la Russia de Putin, mas capitèt pas a aténher la meteissa influéncia.
Умер Михаил Горбачев, сообщили в ЦКБ:https://t.co/JzRc0Wwxbbpic.twitter.com/7BDQUEVBqg
— ТАСС (@tass_agency) August 30, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se'n van les bons, a veure si algú els agafa el relleu...
Visca la Terra...Lliure!
L'Ernest, "El Tàrrega".
Lo Gorbatchev ensajèt de reformar l'URSS per li donar mai de libertat, i capitèt pas, que lo sistèma sovietic èra jà tròp escrancat e fotut per poder ésser reformat, aquel òme aguèt la savièssa de pas insistir. Una leiçon de meditar per un fais d'autres sistèmas sus la planèta, i comprès lo nòstre, e òc...
Defuntèt puèi après "una longa malautiá" ? La coneissi, pecaire, se sona la vida !
L'abans darrièr...
Las darrèras de las annadas 80 qu'èran tà jo lo temps de l'adolescéncia e lo saunei d'ua coexisténcia pacifica enter las democracias occidentaus e un sistèma socialista de cara umana.
Dab la mauescaduda deu projecte de Gorbatchev, que s'ei ubèrta ua temporada qui comencè per la guerras de Iogoslavia e que's persegueish dab l'Euròpa neoliberau a l'Oest e la guerra imperialista de Potina a l'Est...
Lo fracas de la soa vision que'ns a pertocats a tots.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari