Lituània a conclús la barralha de gaireben 550 km sus la frontièra amb Bielorussia. A quatre mètres de nautor e es coronada d'aram espinut. “La barralha fisica ajudarà la polícia frontalièra a contrastar l’immigracion illegala de manièra mai eficaça”, çò a dich la primièra ministra, Ingrida Šimonytė.
 
Lituània a una frontièra de gaireben 680 km, dont mai de cent son sus de flumes e de lacs. Aquestes darrièrs meses, an aumentat las temptativas de la traversar. Los refugiats e immigrants venon mai que mai de païses d’Orient, coma Siria e Afganistan, e tanben d’Africa.
 
Dempuèi l’an passat, Lituània a durcit sas politicas migratòrias a causa del nombre creissent de personas qu’an ensajat de traversar la frontièra de Bielorussia. Pel govèrn de Vilnius, Minsk se servís de l’immigracion per quichar las autoritats europèas.