Lo Departament de la Justícia dels Estats Units a trobat de pròvas a l’ostalàs de l’èx-president Donald Trump a Mar-a-Lago (Florida) qu’indican que qualqu’un poiriá aver ensajat d’eliminar o d’amagar de documents archivats pendent la perquisicion qu’i faguèt l’FBI, çò rapòrta Politico.
 
“Lo govèrn a tanben de pròvas que las perquisicions s’amaguèron e probablament se retirèron de la sala d’emmagazinatge, e que se prenguèt de mesuras per obstruir l’enquista”, çò ditz dins un rapòrt de 36 paginas redigit pel responsable de contraespionatge del departament, Jay Bratt.
 
A mai, lo departament a difusat un imatge d’una tièra de documents escampilhats sul tapís que pòrtan l’entèsta de l’Ostal Blanc e l’etiqueta “top secret”.
 
Lo 8 d’agost passat, un grop d’agents de l’FBI faguèron una perquicion de l’ostalàs deTrump a Mar-a-Lago e emportèron una vintena de caissas plenas de documents secrets. Aquela operacion se faguèt per enquistar sus las eventualas violacions que Trump auriá comés de la Lei suls archius presidencials, qu’obliga totes los èx-presidents de tornar los documents presidencials tanlèu quitadas sas foncions.

 
 

The Justice Department's 36-page filing overnight includes a remarkable photo showing laid-out classified documents taken from Mar-a-Lago.

The search also yielded 3 classified documents in desks inside Trump’s office. pic.twitter.com/RsaboL9NOB

— The Recount (@therecount) August 31, 2022