Actualitats
Una ONG acusa Carrefour de complicitat amb la desforestacion d’Amazonia
Lo buòu vendut en Brasil e la polalha venduda en França es elevada amb de sòja originària del desboscament
Tèxte legit
Amazonia crèma d’un biais inquietant, fasiá 12 ans que patissiá tantes incendis.Ara per ara, i a un 18% de fuòcs mai qu’arunan a aquesta data. La region la mai tocada, al nòrd de Brasil, es tan granda coma la peninsula Iberica, e los ecologistas la qualifican de “nòva frontièra del desboscament” Ara, l’ONG Mighty Earth acusa Carrefour de participar a aquela deforestacion, çò rapòrta France Info.
Mighty Earth acusa lo grop francés de supermercats de practicar un doble jòc: d’un caire, Carrefour proclama sa responsabilitat environamentala mas, d’autre caire, se provesís amb de productors brasilièrs acusats de participar al desboscament. Aital, dins los supermercats de Brasil se vend de carn de buòus elevats amb de sòja producha dins las extensions agricòlas creadas sus la selva cremada, coma se passa amb la polalha venduda dins los supermercats de França.
En 2020, Carrefour e totes los actors de la granda distribucion signèron un manifèst “per una mobilizacion dels actors franceses per luchar contra lo desboscament importat restacat a la sòja”. Lo distributor francés a tanben pres la codireccion de la “Forest Positive Coalition“, una aliança comerciala de The Consumer Goods Forum per protegir los bòsques. Mighty Earth demanda desenant a Carrefour de cambiar de provesidors per crear un efièch d’entraïnament al sen de la filièra.
Mighty Earth acusa lo grop francés de supermercats de practicar un doble jòc: d’un caire, Carrefour proclama sa responsabilitat environamentala mas, d’autre caire, se provesís amb de productors brasilièrs acusats de participar al desboscament. Aital, dins los supermercats de Brasil se vend de carn de buòus elevats amb de sòja producha dins las extensions agricòlas creadas sus la selva cremada, coma se passa amb la polalha venduda dins los supermercats de França.
En 2020, Carrefour e totes los actors de la granda distribucion signèron un manifèst “per una mobilizacion dels actors franceses per luchar contra lo desboscament importat restacat a la sòja”. Lo distributor francés a tanben pres la codireccion de la “Forest Positive Coalition“, una aliança comerciala de The Consumer Goods Forum per protegir los bòsques. Mighty Earth demanda desenant a Carrefour de cambiar de provesidors per crear un efièch d’entraïnament al sen de la filièra.
Les feux s’arrêtent en France mais explosent en Amazonie. Un nouveau record est battu, le nouveau “Dia do Fogo” a eu lieu ce 22 août avec 3358 incendies. Que fait @Carrefour principal revendeur de viande au Brésil? https://t.co/LP7UXNkIK2
— Mighty Earth (@StandMighty) August 25, 2022
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E d'aquel temps, de païsans en çò nòstre, se suicidan per non poder seguir lo cors d'un mercat aital. Bernard Arnaud, complici de desforestacion ? Totes los que li crompan causas ne son corresponsables ! E totes sos collègas, proprietaris de cadenas d'autres supermercats e lors consumidors tanben, e tanben, corresponsables, o son totes los que contribuïsson, d'un biais ( en los sempre mai mal pagant) o d'un autre (pel mejan de la publicitat, en los incitant a consumir sempre mai causas sempre mai vanas e que la produccion polluís sempre mai aire, aiga e tèrra, fasent venir lo prètz de la noirritud normala (bio) tròp naut per o poder crompar tot, e forçant aital los consumidors plan enregimentats a consumir de tot, e qué que siá, mai que tot de mèrda toxica, insipida e/o vana) a consumir tanben carn de mèrda produsida sus la roïna de la grand selva amazoniana, per exemple ! Aquò non disculpa de res Bernard Arnaud, patron de Carrefour, plan segur. Mas non cal oblidar los autres, nimai nosautres…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari