Actualitats
Es mòrt après son arrestacion lo segond suspècte del masèl de Canadà
Myles e Damien Sanderson èran recercats coma presumits autors d’un escotelament multiple que tuèt 10 personas e ne nafrèt d’autras 18
Tèxte legit
Myles Sanderson, suspècte d’aver perpetrat lo masèl de dimenge passat en Canadà, es mòrt après son arrestacion dimècres passat. Lo comandant de la polícia montada de Canadà a dich dins una conferéncia de premsa que lo detengut patiguèt una urgéncia medicala e defuntèt mentre que lo menavan a l’espital. L’autre suspècte, son fraire Damien Sanderson, lo trobèron mòrt dimars.
La detencion de Myles Sanderson s’es vista suls rets socials que n’an publicat fòrça imatges. Mòstran lo suspècte al bòrd d’un veïcul entornejat per de policièrs e sembla de resistir pas a l’arrestacion.
Myles e Damien Sanderson èran recercats dempuèi dimenge passat, 4 de setembre, coma presumits autors d’un escotelament multiple que tuèt 10 personas e ne nafrèt d’autras 18. Se passèt en 13 endreches de Canadà, dins la província de Saskatchewan, la majoritat dins la resèrva de la nacion cree de James Smith, e tanben en divèrses endreches de la vila de Weldon.
La polícia enquista se Damien foguèt assassinat per Myles. En tot cas, per ara, las autoritats an pas revelat cap d’ipotèsi sus las causas del masèl.
La Federacion de las Nacions Indigènas Sobeiranas pensa que los atacs poirián èsser restacats a las drògas. “Es la destruccion qu’afrontam quand las drògas illegalas nocivas ocupan nòstras comunautats”.
La detencion de Myles Sanderson s’es vista suls rets socials que n’an publicat fòrça imatges. Mòstran lo suspècte al bòrd d’un veïcul entornejat per de policièrs e sembla de resistir pas a l’arrestacion.
Myles e Damien Sanderson èran recercats dempuèi dimenge passat, 4 de setembre, coma presumits autors d’un escotelament multiple que tuèt 10 personas e ne nafrèt d’autras 18. Se passèt en 13 endreches de Canadà, dins la província de Saskatchewan, la majoritat dins la resèrva de la nacion cree de James Smith, e tanben en divèrses endreches de la vila de Weldon.
La polícia enquista se Damien foguèt assassinat per Myles. En tot cas, per ara, las autoritats an pas revelat cap d’ipotèsi sus las causas del masèl.
La Federacion de las Nacions Indigènas Sobeiranas pensa que los atacs poirián èsser restacats a las drògas. “Es la destruccion qu’afrontam quand las drògas illegalas nocivas ocupan nòstras comunautats”.
Video from Brandi Soles as RCMP arrested Myles Sanderson at 3:30pm.
— Devin Heroux (@Devin_Heroux) September 7, 2022
This is near Rosthern, Saskatchewan. pic.twitter.com/gGlJngqzeG
PICTURE OF HIM!!!!!!! pic.twitter.com/ZoBO6mhcyH
— k (@krystlem14) September 7, 2022
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari