Actualitats
Mòrt d’Elisabèt IIa: “Lo pont de Londres es tombat”
A regnat pendent 70 ans dins un estat ont la familha reiala a un ròtle important e es totjorn fòrça populara
Tèxte legit
La reina Elisabèt IIa d’Anglatèrra es mòrta aqueste dijòus a 96 ans dins lo castèl de Balmoral en Escòcia. L’acompanhava son filh lo prince Carles, qu’ara vendrà rei a 73 ans, sa jove Camilla de Cornoalha e tanben lo prince Guilhèm e los princes Enric e Meghan Markle, ducs de Sussex. Es previst qu’a 18h lo nòu monarca faga un parladís al Reialme.
Elisabèt II del Reialme Unit, nascuda Elizabeth Alexandra Mary Windsor, a regnat pendent 70 ans dins un estat ont la familha reiala a un ròtle important e es totjorn fòrça populara. Saique son regne foguèt un dels pus longs de l’istòria après lo de Loís XIV de França (72 ans), e los 63 ans de la reina Victòria.
Operacion London Bridge
“Lo pont de Londres es tombat” (London Bridge is Down): amb aquesta frasa clau, lo secretari personal d’Elisabèt IIa a assabentat la nòva primièra ministra britanica, Liz Truss, e s’es activat l’operacion London Bridge per preparar l’anóncia del decès, los jorns de dòl e las funeralhas. Puèi an informat los ministres.
De son caire, lo Ministèri de las Relacions Exterioras a comunicat la nòva als govèrns dels autres catòrze païses del Commonwealth, qu’Elisabèt n’èra la reina: Canadà, Austràlia, la Nòva Zelanda, Jamaica, Bahamas, Grenada, Papoa-Nòva Guinèa, las illas Salomon, Tuvalu, Santa Lúcia, Sant Vincenç e las Grenadinas, Belize, Antigua e Barbuda e Sant Cristòl e Nevis.
Après, un assistent vestit de dòl a plaçat una aficha sus la pòrta del palais de Buckingham qu'anóncia la mòrt de la reina.
Los sits web e los comptes dels rets socials institucionals e de la monarquia son ara en negre e evitaràn de publicar de contenguts non urgents.
Los mèdias seguisson tanben un protocòl precís. Los presentaires de las televisions britanicas an adoptat la meteissa tenguda, vestit negre e crabata negra per anonciar simultanèament lo decès d’Elisabèt IIa.
L’operacion London Bridge se comencèt de pensar dins los ans 1960 e cada an l’an actualizada. I participan divèrsas institucions coma l’armada, la Glèisa, la polícia, los mèdias e las autoritats muncipalas de Londres.
Operacion Unicòrn
Delà l’operacion London Bridge, s’es tanben activat l’operacion Unicorn, prevista en cas qu’Elisabèt defunte en Escòcia, coma es estat lo cas. Lo parlament escocés deu suspendre ara tota activitat e preparar las funeralhas d’estat.
Lo còrs d’Elisabèt serà menat dins un tren especial del castèl de Balmoral fins a la residéncia oficiala de la monarquia en Escòcia, lo palais d’Holyroodhouse a Edimborg. Puèi portaràn l’ataüc fins a la catedrala de Sant Gèli per que qui voldrà i presente sos omenatges.
Puèi Elisabèt IIa serà transportada a Londres amb un autre tren especial per èsser, enfin, enterrada a Windsor al costat de son marit, lo prince d’Edimborg.
Elisabèt II del Reialme Unit, nascuda Elizabeth Alexandra Mary Windsor, a regnat pendent 70 ans dins un estat ont la familha reiala a un ròtle important e es totjorn fòrça populara. Saique son regne foguèt un dels pus longs de l’istòria après lo de Loís XIV de França (72 ans), e los 63 ans de la reina Victòria.
Operacion London Bridge
“Lo pont de Londres es tombat” (London Bridge is Down): amb aquesta frasa clau, lo secretari personal d’Elisabèt IIa a assabentat la nòva primièra ministra britanica, Liz Truss, e s’es activat l’operacion London Bridge per preparar l’anóncia del decès, los jorns de dòl e las funeralhas. Puèi an informat los ministres.
De son caire, lo Ministèri de las Relacions Exterioras a comunicat la nòva als govèrns dels autres catòrze païses del Commonwealth, qu’Elisabèt n’èra la reina: Canadà, Austràlia, la Nòva Zelanda, Jamaica, Bahamas, Grenada, Papoa-Nòva Guinèa, las illas Salomon, Tuvalu, Santa Lúcia, Sant Vincenç e las Grenadinas, Belize, Antigua e Barbuda e Sant Cristòl e Nevis.
Après, un assistent vestit de dòl a plaçat una aficha sus la pòrta del palais de Buckingham qu'anóncia la mòrt de la reina.
Los sits web e los comptes dels rets socials institucionals e de la monarquia son ara en negre e evitaràn de publicar de contenguts non urgents.
Los mèdias seguisson tanben un protocòl precís. Los presentaires de las televisions britanicas an adoptat la meteissa tenguda, vestit negre e crabata negra per anonciar simultanèament lo decès d’Elisabèt IIa.
L’operacion London Bridge se comencèt de pensar dins los ans 1960 e cada an l’an actualizada. I participan divèrsas institucions coma l’armada, la Glèisa, la polícia, los mèdias e las autoritats muncipalas de Londres.
Operacion Unicòrn
Delà l’operacion London Bridge, s’es tanben activat l’operacion Unicorn, prevista en cas qu’Elisabèt defunte en Escòcia, coma es estat lo cas. Lo parlament escocés deu suspendre ara tota activitat e preparar las funeralhas d’estat.
Lo còrs d’Elisabèt serà menat dins un tren especial del castèl de Balmoral fins a la residéncia oficiala de la monarquia en Escòcia, lo palais d’Holyroodhouse a Edimborg. Puèi portaràn l’ataüc fins a la catedrala de Sant Gèli per que qui voldrà i presente sos omenatges.
Puèi Elisabèt IIa serà transportada a Londres amb un autre tren especial per èsser, enfin, enterrada a Windsor al costat de son marit, lo prince d’Edimborg.
The Queen died peacefully at Balmoral this afternoon.
— The Royal Family (@RoyalFamily) September 8, 2022
The King and The Queen Consort will remain at Balmoral this evening and will return to London tomorrow. pic.twitter.com/VfxpXro22W
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#15 Jornalet a benlèu unis desfachs (e quin medià ne ten pas ?) mas dins aquel desèrt mediatic occitan a al mens lo meriti d'existir. A l'ora d'ara, qu'agrada o pas, es lo sol diari en occitan que i-aja. Se per cas venia a desaparèisser, m'estonaria, pecaire, qu'en quauque luèc d'Occitània "granda" n'i-aja un capable de tornar préner lo flambèl.
#14 Lo silenci total sus totas las resultas de totas las eleccions, gaireben. Cap analisis sul vòte FN, jamei una reflexion sus la situacion economica o sociala d'Occitània granda. Un agach exterior politicament corrècte e agradiu, mès que servís pas a grand causa a l'òra de bastir una consciéncia nacionala occitana.
#13 Jornalet es un agach exterior sus Occitània a partir de Barcelona. Agach saique simpatic mas qu'empacha pas tot còp un decalatge involontari amb las preocupacions màgers qu'avem d'aquel costat de las Pireneias. Entre autres exemples d'aquel valat ("gap") , lo tratament pus que tardièr del moviment dels Gilets Jaunes o lo silenci total sus la resulta istorica de las legislativas de junh. Afars que vists de Barcelona son saique parpèlas d'agaça mas pas al nòstre. De que balharia l'actualitat catalana escricha a partir de Tolosa o Marselha ?
#12 Sosentendriatz pas que Jornalet es macronista?
#11 Bon, Jornalet ne parla benlèu "per far coma tot lo mond" mas se cal remembrar qu'estranhament aquel diguèt pas un trace mot sul carpan istoric de Macron a las legislativas. E las resultas d'aquelas legislativas nos concernavan mai nosautres occitans que non pas la mort de la Queen of England.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari