Actualitats
Los païses del golf Persic menaçan Netflix
Menaçan de prene “las mesuras legalas necessàrias” se la plataforma lèva pas de son catalòg infantil de scènas de sèrias e de filmes “contràrias a las valors islamicas”
Tèxte legit
L’Arabia Saudita, los Emirats Arabis Units, Bahran, Qatar, Oman e Kowait an demandat a Netflix que retire de son catalòg infantil de scènas de sèrias e de filmes “contràrias a las valors islamicas”, e menaçan de prene “las mesuras legalas necessàrias” s’o fa pas, çò rapòrta la cadena Al Akhbariya. L’avertiment l’a fach lo comitat dels responsables dels mèdias electronics del Conselh de Cooperacion del Golf (CCG), après s'amassar a Riyad.
L’avertiment precisa pas quines son aqueles contenguts infantils que considèran contraris a lors valors. Pasmens, Al Akhbariya illustra l’informacion amb un vidèo pixelat d’una scèna de la sèria Jurassic World: lo camp del Cretacèu e del filme Mignonnes. Aquel mèdia assegura que Netflix “contunha d’emetre de messatges indecents e de scènas que contradison las valors, los principis e l’instint uman per mejan de sèrias e filmes per enfant que provòcan la colèra dels espectators”.
De remembrar qu’en junh passat se retirèt de las salas de cinèma de l’Arabia Saudita lo filme Doctor Strange in the Multiverse of Madness pr’amor que Disney refusèt d’eliminar las scènas que las autoritats saudianas consideravan LGBT. Egalament lo filme Lightyear foguèt enebit als Emirats Arabis Units per un poton omosexual.
De soslinhar qu’en aqueles païses l’omosexualitat es perseguida e mai i son proïbits de simbòls coma la bandièra LGBT.
L’avertiment precisa pas quines son aqueles contenguts infantils que considèran contraris a lors valors. Pasmens, Al Akhbariya illustra l’informacion amb un vidèo pixelat d’una scèna de la sèria Jurassic World: lo camp del Cretacèu e del filme Mignonnes. Aquel mèdia assegura que Netflix “contunha d’emetre de messatges indecents e de scènas que contradison las valors, los principis e l’instint uman per mejan de sèrias e filmes per enfant que provòcan la colèra dels espectators”.
De remembrar qu’en junh passat se retirèt de las salas de cinèma de l’Arabia Saudita lo filme Doctor Strange in the Multiverse of Madness pr’amor que Disney refusèt d’eliminar las scènas que las autoritats saudianas consideravan LGBT. Egalament lo filme Lightyear foguèt enebit als Emirats Arabis Units per un poton omosexual.
De soslinhar qu’en aqueles païses l’omosexualitat es perseguida e mai i son proïbits de simbòls coma la bandièra LGBT.
فيديو | #نتفليكس تروج للشذوذ الجنسي للأطفال تحت غطاء سينمائي..
— قناة الإخبارية (@alekhbariyatv) September 6, 2022
فهل سيحجب #Netflix في السعودية قريبا؟#نشرة_النهار#الإخباريةpic.twitter.com/kxu5zJ20en
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cau díser que Mignonnes es contrari a las valors de totòm. L'unica rason qu'es encara en linha, es que quasi degun l'a vist. per çò qu'èi ausit, aqueth file es òrre. (vedetz la vidèo de shoe0nhead sus aqueth, meilèu que lo filme)
#2 baug! Quin prisma plan reduch de la realitat LGBT. Avètz ja parlat amb quauqu'un de la fanfara?
LGBT => cambiament de sèxe, fiuuu es un acorchi dins un ais aquò o_Ô
"nos daissam educar bla bla" sètz pro gran per gardar o getar çò que volètz, me sembla que vòstra educacion primària es ja facha >.>
Los arabes an rason. Es pas a las multinacionalas de causas per goiats que d'educar los mainatges. Ren n'es neutre dins l'educacion de Netflix. Es una educacion facha per un futur qu'obeit a las multinacionalas que volan tot uniformisar, transformar las gens en robots, en esclaus.
Quò es desastros per los LGBT, subretot per los adolescents. L'òm dich que podan cambiar de sexe, quand volan. I a una simpla operacion de rotina. Lo nombre de cliniques per operacion es d'alhors en augmentacion. Mas, òm lòr dich pas lo revers de la medalha, ni lòr conselhan pas de consultar un psicologue. Pertant a l'adolescença es aqui que goiats e goiatas son los pus fragiles que lòr personalitat es pas enguera developada.
Sem dins un monde ente los òmes son daus goiats e las femnas de las goiatas. Nos laissam educar per las multinacionalas e los medias.
Aquel mèdia assegura que Netflix “continua d’emetre de messatges indecents" mas en realitat, dins totas las religions instituïdas, son los integrismes que son indecents, fins a l'orror absoluda dels progròms, dels brutladors e autras salopariás dessenadas. Se non vòlon gaitar la television, non an que de far coma ieu, préner un bon libre…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari