Catalonha festeja uèi sa Diada nacionala dins un estranh ambient de division. Entre los divèrses eveniments previstes per aquesta jornada, cal soslinhar la manifestacion independentista, que dempuèi las  darrièras dètz annadas es tostemps fòrça nombrosa. Mas ongan, los representants d’Esquèrra Republicana de Catalonha (ÈRC), partit qu’es al cap de la coalicion de govèrn de la Generalitat, i participaràn pas. ÈRC a quitament mandat un corric a totes sos militants per tal de criticar aquela manfiestacion, e se planh que l’ANC critique lo govèrn de la Generalitat. D’autre caire, lo president en exili, Carles Puigdemont, a soslinhat que la mobilizacion es una condicion necessària per aténher l’independéncia, e considèra qu’es normal que la societat civila quiche los partits. Cossí que siá, après aquela batèsta, l’ANC a doblat lo nombre d’autobuses comandats per transportar los manifestants a Barcelona. De veire se la manifestacion es massissament seguida e quinas consequéncias pòt aver sus la politica catalana.
 
Cal dire que la decepcion dins l’independentisme catalan es màger. Son ja passats cinc ans dempuèi lo referendum d’autodeterminacion e la proclamacion de l’independéncia qu’i respondèron una repression enòrma e l’encarceracion del govèrn. Son tanben passats los dos ans del nòu govèrn de la Generalitat: es la coalicion de dos partits independentistas qu’amb l’esquèrra radicala de la CUP, tanben independentista, obtenguèron pel primièr còp lo 52% dels vòtes per l’independentisme, mentre que paradoxalament, ara, l’independéncia sembla de s’alonhar cada còp mai. Se comença de dire per carrièras, dins los forums e suls rets socials, que la gràcia dels presonièrs politics la caliá benlèu pas pagar.
 
En tot cas, la repression de l’estat espanhòl contra l’independentisme es pas acabada, e los exiliats pòdon pas encara tornar al país.
 
 
L’11 de setembre
 
L’11 de setembre, los catalans se remembran la casuda de Barcelona en 1714 davant las tropas borbonosas. Lo País Valencian èra tombat en 1707 e Malhòrca anava èsser vencuda en 1716. Aquela desfacha representèt la fin de las institucions catalanas e la castelhanizacion del país.
 
 
 

 

Aquesta Diada hi comptem tots. Aquest 11 de Setembre fem un pas endavant per la independència.#TornemhiPerVèncerpic.twitter.com/mcdtYHwAcS

— Assemblea Nacional Catalana (@assemblea) August 29, 2022

 
 

[VÍDEO] Oriol @junqueras: "La prioritat és l'amnistia,  l'autodeterminació i assenyalar l'abús de poder que fan els aparells de l'Estat, o una part dels aparells de l'Estat, i que en moltes ocasions el fan avalat pel govern espanyol" pic.twitter.com/TuuiGANHko

— Esquerra Republicana (@Esquerra_ERC) September 7, 2022

 

@DolorsFeliu entrevistada a @elnacional:

La gent ha de recuperar la força i les regnes de l'independentisme per manar que es faci la independència. Els partits són on són precisament gràcies al vot de la gent.https://t.co/CMbH7HtlkT

— Assemblea Nacional Catalana (@assemblea) September 8, 2022

 

Si l’objectiu és la independència, la mobilització és condició necessària; si l’objectiu és viure amb l’Estatut retallat pel TC, la mobilització és una nosa.

Visca Catalunya lliure!#11s2022

https://t.co/oCh6GDuP7Bpic.twitter.com/5E72xmJnCM

— krls.eth / Carles Puigdemont (@KRLS) September 7, 2022