CAPÇALERA PAIS INVISIBLE

Actualitats

InternacionalPolitica

Catalonha: 700 000 manifestants per l’independéncia protèstan contra los partits

E mai los partits independentistas sián majoritaris al Parlament de Catalonha, l’independéncia sembla de s’alonhar cada còp mai

Tèxte legit

Malgrat la decepcion que la viu aquel movement, l’independentisme catalan a demostrat qu’es totjorn majoritari e a tornat prene un còp de mai las carrièras dins l’encastre de la Diada nacionala de Catalonha. Delà las nombroses eveniments que se tenián long de tot lo país, de centenats de milièrs de personas an manifestat per l’independéncia, aqueste còp en criticant los partits politics independentistas que, magrat lor majoritat al Parlament de Catalonha, an pas brica avançat devèrs l’independéncia.
 
Los organizaires comptan 700 000 manifestants del temps que la polícia ne constata sonque 150 000. Los imatges, totun, son pro clars.
 
Jol lèma “Tornem-i per véncer: independéncia”, los manfiestants an seguit la crida de l’Assemblada Nacionala Catalana (ANC).  Lo parladís de la presidenta de l’ANC, Dolors Feliu, a la fin de la manifestacion es estat pro clar: “O fasètz l’independéncia o convocatz d’eleccions”.
 
Ongan, la manifestacion èra polemica pr’amor que lo president de la Generalitat, Pere Aragonès, e de nauts representants d’Esquèrra Republicana de Catalonha (ÈRC) anoncièron que i participarián pas. ÈRC quitament mandèt un corric a totes sos militants per tal de criticar aquela manifestacion, e se planguèt que l’ANC critiquesse lo govèrn de la Generalitat.
 
D’autre caire, los movements independentistas d’extrèma esquèrra an manifestat parallèlament en amassant qualques milièrs de personas jos lo lèma “Fins a véncer”.
 
Cal dire que la decepcion dins l’independentisme catalan es màger envèrs los partits politics. Son ja passats cinc ans dempuèi lo referendum d’autodeterminacion e la proclamacion de l’independéncia qu’i respondèron una repression enòrma e l’encarceracion del govèrn. Son tanben passats los dos ans del nòu govèrn de la Generalitat: es la coalicion de dos partits independentistas qu’amb l’esquèrra radicala de la CUP, tanben independentista, obtenguèron pel primièr còp lo 52% dels vòtes per l’independentisme, mentre que paradoxalament, ara, l’independéncia sembla de s’alonhar cada còp mai. Se comença de dire per carrièras, dins los forums e suls rets socials, que la gràcia dels presonièrs politics la caliá benlèu pas pagar.
 
 

 
 
 



abonar los amics de Jornalet

 



 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Pitaluga
4.

#3
Holà, "blaveru" ! Cresiam qu'aviatz desaparescut.

  • 1
  • 0
carles països valencians
3.

el moviment independentiste català està desunflat, dividit, desbruixolat i acovardat, només és una lluita de poder i de diners, un fraude, els catalans estàn deludits i se senten burlats. la concentració ha sigut un fracàs, ha evidenciat el ridicul i la vergonya.

  • 2
  • 10
Franc Bardòu
2.

Òsca ! Reconeissi aquí lo pòble qu'ami tant e tant : plan actiu politicament e de front contra los partits de la politicalha electoralista… Lo meteis pòble qu'èra ja en 1936 ! Total e umil respècte.

  • 15
  • 5
Josep Maria Miquel Coma-ruga
1.

Ha estat impressionant, per més que els media ni s'han fet ressò.
Gràcies Jornalet!

  • 19
  • 5

Escriu un comentari sus aqueste article