La contraofensiva ucraïnesa dins las regions de Kharkiv e Kherson a fach trantalhar l’escaquièr de la guèrra en Ucraïna. Delà las victòrias militaras ucraïnesas sus l’armada russa, que s’es deguda replegar, l’avançada ucraïnesa a tanben portat una situacion inedita: de personalitats russas de primièr reng an criticat dobèrtament l’estrategia militara del Kremlin.
 
Un dels primièrs a trencar lo silenci es un dels aliats mai estreches de Vladimir Putin, lo president de la Republica de Chechenia, Ramzan Kadirov. “Se uèi o deman i a pas cap de cambiament dins l’estrategia, serai obligat de parlar amb la direccion del Ministèri de la Defensa e del país per lor explicar la situacion reala sul terren”, çò a dich dins son canal de Telegram. Tanben precisa que sas criticas son adreiçadas al comandament militar mas en cap de cas a Putin.
 
Kadirov, que govèrna Chechenia amb una man de fèrre jos l'aprobacion del Kremlin, a noirit l’armada russa amb de milièrs d’òmes que son estats acusats de tota sòrta d’atrocitats, dont lo masèl de Bucha.
 
 
“Putin malmena l’avenir de Russia”
 
Los qu’an criticat dirèctament Putin son una ochantena de conselhièrs municipals de 18 districtes de Moscòu, Sant Petersborg e Kolpina, qu’an signat una letra dobèrta que ne demanda la demission. “Nosautres, los conselhièrs municipals de Russia, cresèm que las accions del president Vladimir Putin malmenan l’avenir de Russia e de sos ciutadans”, çò ditz lo tèxt.
 
 

Мундепы требуют отставки Путина

Муниципальные депутаты из 18 разных округов Москвы, Петербурга и Колпино требуют отставки Путина. Текст петиции лаконичный, никого не “дискредитирует”. Если вы мундеп и хотите присоедниться - милости просим. pic.twitter.com/APCUZRlznv

— Ксения Торстрем (@kseniathorstrom) September 12, 2022