Actualitats
D’oxigèn per Mart
Una maquina a produch d’oxigèn sus Mart pendent mai d’un mes, çò que pòt ajudar considerablament a la colonizacion d’aquela planeta
Un nòu experiment realizat per la NASA a plan capitat, e son importància scientifica es fòrça granda pr’amor qu’una maquina a produch d’oxigèn sus Mart pendent mai d’un mes, çò que pòt ajudar considerablament a la colonizacion d’aquela planeta, que plusors cercaires considèran que se debanarà lèu-lèu.
L’experiment aviá per nom oficial MOXIE, e la maquina produguèt pendent d’oras e oras, lo jorn e la nuèch, d’oxigèn respirable pels umans. L’oxigèn, totun, foguèt liberat dins l’atmosfèra de Mart sens autra tòca que voler demostrar que se podiá fargar d’oxigèn sus aquela planeta d’un biais continú e d’una manièra independenta per ajudar a una pròcha colonizacion umana de la Planeta Roja.
L’experiment MOXIE es estat important pels cercaires qu’ajudan a desvolopar una possibla e pròcha colonizacion umana d’autras planetas pr’amor qu’es estat lo primièr còp que i aviá de tecnologia umana capabla de produire d’oxigèn fòra de la Planeta Blava. De remembrar que Mart es a mai de 160 milions de quilomètres de la Tèrra e, per aquela rason, o poder far foguèt gaireben una epopèa.
Dempuèi 2021
L’experiment MOXIE aviá ja començat en febrièr de l’an 2021 a produire d’oxigèn dins l’atmosfèra de Mart. La maquina qu’o podiá far èra arribada amb la mission Perseverance de la NASA aquel meteis an. La resulta de l’experiment es ara publicada dins lo numeric Science Advance per comunicar a tota la comunautat scientifica umana que se pòt ja tecnologicament produire d’oxigèn sus Mart.
Cada còp que MOXIE començava de produire d’oxigèn, o fasiá amb fins a sis gramas d’oxigèn cada ora, çò que cal comparar amb l’emission d’oxigèn per un arbre puslèu pichon sus la Tèrra. Ara, après la capitada iniciala, los cercaires de la NASA vòlon enviar —benlèu pendent una pròcha mission sus la Planeta Roja— una version màger de MOXIE e assajar de fargar encara mai d’oxigèn fins a arribar al nivèl d’un pichon grop d’arbres, benlèu de centenats.
Amb aquela capacitat i auriá pro d’oxigèn dins una possibla colònia per recebre totplen d’umans e ajudar a lor supervivéncia pendent lor sojorn ailà. E, encara mai, pr’amor que i auriá pro d’oxigèn per l’utilizar coma combustible de la nau espaciala a l’ora de tornar sus Tèrra. “Avèm aprés cossí far aquò a un nivèl màger, çò diguèt Michael Hecht, cercaire de la mission MOXIE. E la resulta provocarà un cambiament radical de futuras missions fòra de la Planeta Blava”. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
L’experiment aviá per nom oficial MOXIE, e la maquina produguèt pendent d’oras e oras, lo jorn e la nuèch, d’oxigèn respirable pels umans. L’oxigèn, totun, foguèt liberat dins l’atmosfèra de Mart sens autra tòca que voler demostrar que se podiá fargar d’oxigèn sus aquela planeta d’un biais continú e d’una manièra independenta per ajudar a una pròcha colonizacion umana de la Planeta Roja.
L’experiment MOXIE es estat important pels cercaires qu’ajudan a desvolopar una possibla e pròcha colonizacion umana d’autras planetas pr’amor qu’es estat lo primièr còp que i aviá de tecnologia umana capabla de produire d’oxigèn fòra de la Planeta Blava. De remembrar que Mart es a mai de 160 milions de quilomètres de la Tèrra e, per aquela rason, o poder far foguèt gaireben una epopèa.
Dempuèi 2021
L’experiment MOXIE aviá ja començat en febrièr de l’an 2021 a produire d’oxigèn dins l’atmosfèra de Mart. La maquina qu’o podiá far èra arribada amb la mission Perseverance de la NASA aquel meteis an. La resulta de l’experiment es ara publicada dins lo numeric Science Advance per comunicar a tota la comunautat scientifica umana que se pòt ja tecnologicament produire d’oxigèn sus Mart.
Cada còp que MOXIE començava de produire d’oxigèn, o fasiá amb fins a sis gramas d’oxigèn cada ora, çò que cal comparar amb l’emission d’oxigèn per un arbre puslèu pichon sus la Tèrra. Ara, après la capitada iniciala, los cercaires de la NASA vòlon enviar —benlèu pendent una pròcha mission sus la Planeta Roja— una version màger de MOXIE e assajar de fargar encara mai d’oxigèn fins a arribar al nivèl d’un pichon grop d’arbres, benlèu de centenats.
Amb aquela capacitat i auriá pro d’oxigèn dins una possibla colònia per recebre totplen d’umans e ajudar a lor supervivéncia pendent lor sojorn ailà. E, encara mai, pr’amor que i auriá pro d’oxigèn per l’utilizar coma combustible de la nau espaciala a l’ora de tornar sus Tèrra. “Avèm aprés cossí far aquò a un nivèl màger, çò diguèt Michael Hecht, cercaire de la mission MOXIE. E la resulta provocarà un cambiament radical de futuras missions fòra de la Planeta Blava”. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
TECNOLOGISME Mon AMÒRT !
#1 E çò mai segur encara es que non m'i faràn viure, ieu !!!
Bon, fau arrestar las bestiesas: https://www.editionsfavre.com/livres/nous-ne-vivrons-pas-sur-mars-ni-ailleurs/
Un plan bon libre per calmar los afogats del deterrestrament tecnologic.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari