Aqueth web, hòrt polemic, se presenta jos la fòrma d'una coleccion de fotografias tiradas de cameras de videosusvelhància. Los visitors i son invitats a identificar los que veden, e las autoritats asseguran los ciutadans que participarén ad aquera operacion demorarén dens la confidencialitat.

Aqueth aperet a denonciacion seguís l'intensificacion de la repression contra çò que sonan violéncias urbanas (lo tèrme cubrís mantuna significacions, sovent ligadas a l'activitat politica o anticapitalista), dempuish aqueth dia de cauma generala, lo mes passat. Segon lo jornau El Punt-Avui, las autoritats catalanas preveden d'intensificar l'activitat policèira a la debuta deu mes de mai. Que lo calendari i serà cargat: après las manifestacions deu Dia deus Tribalhadors uèi-lo-dia, la Banca Centrala Europeana s'amassarà a Barcelona los 2, 3, e 4 de mai. Dus mila agents de las policias espanhòlas se horniràn alavetz aus quate mila Mossos d'Esquadra dejà prevists per l'esveniment, e los contaròtles a la termèira dab l'Estat francés seràn renforçats.

 

Pèir-Joan Masdiset