Lo Curdistan oriental visquèt de fòrtas protèstas contra lo regim iranian dissabte passat durant las funeralhas de la jove curda Jina Amini (oficialament Mahsa Amini), de 22 ans, mòrta a Teheran après èsser arrestada per la polícia. Mentre qu’Amini se passejava amb son fraire, l’avián detenguda per non portar pas “adeqüatament” l’hijab amb la tòca de la menar a una sesilha “d’educacion e orientacion”. Après l’esperar doas oras, lo fraire foguèt assabentat que la transportavan en ambulància a l’espital, pr’amor qu’aviá patit una crisi cardiaca. Moriguèt qualques jorns apuèi.
 
Las funeralhas, vengudas una manifestacion de protèsta, foguèron atacadas per la polícia iraniana amb de gases lacrimogèns. Aquò se passava dins la vila Ayçî, d’ont èra originària Amini. Mas las protèstas s’estendèron fins a la vila de Sinne, capitala del Curdistan oriental ont un grop de femnas se levèron lo cairat islamic.
 
A Teheran las protèstas arribèron a l’universitat ont los manifestants cridèron “femnas, vida e libertat”.
 
Qu’una femna morisca a causa de son biais d’èsser abilhada es talament grèu que quitament l’agéncia oficiala d’informacions FARS a publicat una peticion per que se tenga una enquista e que s’arrèste l’obligacion de portar l’hijab. De soslinhar que FARS depend de la Gàrdia Revolucionària iraniana, còrs militar e ideologic d’elèit del regim.
 
Per Human Rights Watch, “qu’una femna siá mòrta après èsser arrestada per sa tenguda es una pròva d’una depravacion inacceptabla”, e exigisson una enquista transparenta e que la familha siá compensada. Tanben Amnestia Internacionala demanda una enquista e que “totes los agents e las autoritats responsablas sián someses a la justícia”.
 
 
 

Women removed their headscarves to protest at the funeral of Mahsa Amini who died after being arrested by the morality protest.

Amini was buried earlier today in her hometown of Saghez amid widespread anger. #مهسا_امینیpic.twitter.com/0QygexmVyw

— Golnaz Esfandiari (@GEsfandiari) September 17, 2022

 

“Women, life, liberty” chant Tehran University students on Sep18, protesting death of Mahsa (Zhina) Amini, 22-y-o Kurdish woman who died on 16Sep after going into a coma in Iran police custody, arrested over “violating” hijab rules. #MahsaAmini#مهسا_امینیpic.twitter.com/FNm9yycGLS

— Khosro Kalbasi (@KhosroKalbasi) September 18, 2022