capçalera campanha

Actualitats

InternacionalLengaPoliticaSciénciaSocietat

L’occitan present al 3n Congrès Internacional de Revitalizacion de las Lengas Indigènas e Minorizadas

L’eveniment foguèt l’escasença d’escambiar per pensar amassa a de nòus mejans per reviscolar las lengas minorizadas

Tèxte legit

L’occitan foguèt plan representat al 3n Congrès Internacional de Revitalizacion de las Lengas Indigènas e Minorizadas, que se debanèt la setmana passada a Perpinhan e a Girona (Catalonha). I aguèt divèrsas comunicacions scientificas pertocant la lenga nòstra e sa practica dins la societat e l’escòla, son estatut e sas representacions dins los estats francés, italian e espanhòl, e mai una conferéncia plenièra de Jaume Costa que se tenguèt tota en occitan. De soslinhar que l’occitan èra una de las lengas de trabalh e se podiá traduire simultanèament. Las autras lengas èran lo catalan, l'espanhòl, lo portugués, lo francés e l’anglés.
 
L’eveniment se debanèt del 13 al 16 de setembre. Pendent aquelas quatre jornadas, de cercaires en lingüistica e sociolingüistica participèron a mai de 110 conferéncias, obradors e comunicacions scientificas sus las lengas e situacions sociolingüisticas dins lo Mond entièr.
 
Foguèt l’escasença de presentar de recèrcas e de descobrir d’autras investigacions del Mond, e d’escambiar per pensar amassa a de nòus mejans per revitalizar las lengas minorizadas.
 
Lo Congrès a prepausat, principalament, tres tòcas: difusar d'aspèctes educatius e de recèrca restacats al plurilingüisme, far conéisser d'accions en favor de la  revitalizacion de las minorizadas e divulgar las recèrcas sus d'aspèctes lingüistics, socials, politics e culturals en relacion amb las lengas indigènas e minorizadas. L’an organizat l’Universitat de Girona, l’Universitat Via Domitia de Perpinhan e lo Smithsonian Center for Folklife and Cultural Heritage.
 


 
 
 
 
abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

artur quintana i font La Codonyera (Aragon)
2.

Darrièra lo nom de Perpinhan manca entre () posar Catalonha.

  • 1
  • 0
carles països valencians
1.

Enhorabona per l'iniciativa, les nostres llengües minoritaries deuen ser defeses i promogudes pels polítics.
També al nostre país valencià estem sempre alerta, hui per hui, tinguem una bona plataforma per defendre i promoure la nostra llengua valenciana parlada per 3 milions de persones, a l'escola, a l'adminsitració, a l'església, està viu el valencià i no recula, al contrari, avança a bon ritme.

Avant amics!!!!

  • 6
  • 1

Escriu un comentari sus aqueste article