En collaboracion amb Ràdio Occitània, Jornalet prepausa cada dimenge una entrevista àudio del podcast de la ràdio tolosana. Aquesta setmana, escotaretz sus las ondas l’entrevista de Cathy Lacroix, presidenta de l’IEO OPM a prepaus de la primièra galariá d’art occitan en linha. Apelada “La Galariá”, s’estrenarà lo 16 d’octòbre al Chorus de Tolosa amb una mòstra, de performanças artisticas, una taula redonda e un concèrt d’Arnaud Cance. Puèi serà totjorn vesitabla sus galaria.lodiari.com.

Pel moment, i a pas qu’una pagina d’acuèlh que vos convida a pacientar. La galariá virtuala de l’IEO de la region dicha Occitània (Pirenèus-Mediterranèa) (IEO OPM) a per ambicion de vos donar en linha una ulhada de çò que los plasiticians occitans fan de melhor a l’ora d’ara. La galariá dobrís sas pòrtas lo 16 d’octòbre en linha mas l’IEO OPM o festejarà tanben dins la vida reala amb un aperitiu d’obertura dins la sala tolosana “Le Chorus”. N’avèm devisat amb la directritz de l’IEO OPM, Cathy Lacroix.