Actualitats
Perpinhan aurà una Esplanada Pierre Sergent
Foguèt membre de l’Organizacion de l’Armada Secreta (OAS), un grop armat d’extrèma drecha qu’al començament dels ans 1960 agiguèt contra l’independéncia d’Argeria
Tèxte legit
La comuna de Perpinhan a decidit de donar lo nom de Pierre Sergent a una esplanada de la vila. Òr, Sergent foguèt membre de l’Organizacion de l’Armada Secreta (OAS), un grop armat d’extrèma drecha qu’al començament dels ans 1960 agiguèt contra l’independéncia d’Argeria. Lo cònsol màger, Louis Aliot, s’es prevalgut de sa majoritat al conselh municipal per impausar aquel gèst polemic qu’escandaliza totòm franc del Recampament Nacional.
Lo nom de Pierre Sergent serà donat a una esplanada fòrça centrala. Es lo resultat dels trabalhs faches entre la Plaça Bir Hakeim e lo Baloard Jean Bourrat.
L’omenatge promogut per Aliot es pas un azard. D’efièch, aqueste disputa la presidéncia del Recampament Nacional amb lo jove Jordan Bardella, e aital Aliot cèrca la simpatia dels grops mai nostalgics e franconacionalistas del partit que considèran Pierre Sergent coma un simbòl.
Sergent faguèt partida de la resisténcia francesa pendent la Segonda Guèrra Mondiala e puèi contunhèt sa carrièra en Argeria a partir de 1950 ont arribèt al reng de capitani. Aquí faguèt partida del grop de militars que refusèt d’abandonar l’Argeria francesa. Participèt quitament al còp d’estat del general Maurice Challe amb un còrs armat a Argièr, mas capitèt pas.
Foguèt condemnat a mòrt pels tribunals militars per aver participat a d’atacs de l’OAS que causèron de desenas de mòrts e de centenas de nafrats. Mas se poguèt exiliar en Soïssa, e puèi en Belgica. Pus tard, beneficièt de l’amnestia l’aviá decretada Charles de Gaulle per cinquanta militants d’aquela organizacion d’extrèma drecha, en mai de 1968.
Lo nom de Pierre Sergent serà donat a una esplanada fòrça centrala. Es lo resultat dels trabalhs faches entre la Plaça Bir Hakeim e lo Baloard Jean Bourrat.
L’omenatge promogut per Aliot es pas un azard. D’efièch, aqueste disputa la presidéncia del Recampament Nacional amb lo jove Jordan Bardella, e aital Aliot cèrca la simpatia dels grops mai nostalgics e franconacionalistas del partit que considèran Pierre Sergent coma un simbòl.
Sergent faguèt partida de la resisténcia francesa pendent la Segonda Guèrra Mondiala e puèi contunhèt sa carrièra en Argeria a partir de 1950 ont arribèt al reng de capitani. Aquí faguèt partida del grop de militars que refusèt d’abandonar l’Argeria francesa. Participèt quitament al còp d’estat del general Maurice Challe amb un còrs armat a Argièr, mas capitèt pas.
Foguèt condemnat a mòrt pels tribunals militars per aver participat a d’atacs de l’OAS que causèron de desenas de mòrts e de centenas de nafrats. Mas se poguèt exiliar en Soïssa, e puèi en Belgica. Pus tard, beneficièt de l’amnestia l’aviá decretada Charles de Gaulle per cinquanta militants d’aquela organizacion d’extrèma drecha, en mai de 1968.
#Perpignan : l'esplanade #PierreSergent voulue par Louis #Aliot crée déjà la polémique #politique@louis_aliot#OAShttps://t.co/jECsalyhaj via @lindependant
— L'Indépendant (@lindependant) September 21, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La dreita radicala demorarà totjorn la dreita radicala...En França, Argeria, emai emai Occitània ...
La lenga fa pas res a l'afar... quand sem cons ...
A aqueste lo prefècte li ditz pas res. Al conse d'Elna lo rebala als tribunals per aver volgut donar la possibilitat de s'exprimir en catalan pendent las sesilhas del conselh municipal.
Es a dire que lo Gobernador apròba l'omenatge a un faiscista e terrorista (de l'OAS) e reprimís la dobertura culturala pacifica a travèrs la lenga istorica del país, lenga que, o cal pas doblidar, foguèt emplegada pendent d'annadas al conselh municipal (si que non aurián pas pogut s'exprimir totes).
A ! Es polida la republica !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari