Actualitats
Rodín serà ongan en concèrt als Rescontres Trans Musicals
Lo reputat festenal internacional de las musicas actualas se ten cada an en decembre a Rene (Bretanha)
Tèxte legit
Lo musician provençal Rodín Kauffmann serà en concèrt als Rescontres Trans Musicals de Rene (en galò, Roazhon en breton), lo 10 de decembre que ven. S’agis d’un festenal internacional de musicas actualas que se ten pendent qualques jorns e qu’amassa de desenas de milièrs de participants.
Rodín es un rapaire, productor, cantador e poèta pluridisciplinar d’expression occitana. Afogat de la musica —sustot de l’hip-hop— del dessenh e de la poesia, jonguèt lo Còr de la Plana en 2001. Devèrs 2010, comencèt de trabalhar sus de projèctes mai personals en publicant son primièr single Indignats en duo amb un rapaire de Brooklyn, e un clip rodat per Amic Bedel a Nòva York, e a montat son labèl Pantais Recòrds. En 2015, publiquèt un EP de poesia experimentala ARA qu’èra un disc collaboratiu, amb de musicaires sortits dels mitans de las musicas experimentalas, contemporanèas o improvisadas.
En 2021, sortiguèt son album manifèst Pantais Clus que foguèt plan reconegut als Estats Units e que l'en felicitèt lo cònsol màger de Montpelhièr.
De legir l’entrevista de Rodín Kaufmann publicada en setembre 2020.
Rodín es un rapaire, productor, cantador e poèta pluridisciplinar d’expression occitana. Afogat de la musica —sustot de l’hip-hop— del dessenh e de la poesia, jonguèt lo Còr de la Plana en 2001. Devèrs 2010, comencèt de trabalhar sus de projèctes mai personals en publicant son primièr single Indignats en duo amb un rapaire de Brooklyn, e un clip rodat per Amic Bedel a Nòva York, e a montat son labèl Pantais Recòrds. En 2015, publiquèt un EP de poesia experimentala ARA qu’èra un disc collaboratiu, amb de musicaires sortits dels mitans de las musicas experimentalas, contemporanèas o improvisadas.
En 2021, sortiguèt son album manifèst Pantais Clus que foguèt plan reconegut als Estats Units e que l'en felicitèt lo cònsol màger de Montpelhièr.
De legir l’entrevista de Rodín Kaufmann publicada en setembre 2020.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#9 Dins la question vòstra se trapa l'evidenta responsa. Responsa que cal saique pas formular, jos pena de passar per un "minable" de "comentaris verenoses".
Ouah! Que volí sonque un complement d'informacion en rapòrt a l'article, pas cridar las guèrras!
Lavetz, quauqu'un sap on poderí trobar un article sus Rodín en la premsa americana?
L'amolonament de reaccions per apiejar los comentaris verenoses fa pensar que la pichonas avançadas de l'occitan ne fa rabiar mai d'un dins lo camp de la liura-pensada/ Fons-éternèl/jacobins-destimborlats. Aquò's una bona novèla, amics : quina pròva melhora que sèm encara vius e que pauc a cha pauc tiram camin !
A ieu m'agrada fòrça sa musica e sos tèxtes. E se m'engani pas, farguèt el-meteis las pochetas de mantun de sos disques. Musica + escritura + grafisme (e amb plan de talent amai) es plan sufisent per una apellacion de "poli-artiste". E me sembla que tòca de domenis artistics mai, coneissi pas son CV de per còr.
E s'a enveja de far descobrir nòstra polida lenga a de publics que n'an pas sovent l'escasença (los estatjants dels Estats-Units, que son pas mai responsables de l'imperialisme de lors dirigents que nosautres del jacobinisme dels nòstres), tant melhor !
Contunha, Rodín ! Tot lo monde a pas l'astre d'aver las competéncias per far lo romegaire professional. Es ton cas, mas te ne cal pas èstre atristat. Comprenem plan que t'aguèsse calgut causir una autra carrièra. Tas aptituds multiplas demòran çaquelà plan importantas per nòstra lenga e nòstra cultura.
#3 Et la politesse l'ami ? C'est pas en traitant un public sceptique de "minables" que tu arriveras à le persuader que ton petit protégé adoré est un génie. La supercherie a ses limites !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari