La repression contra las protèstas en Iran es un vertadièr masèl. Lo bilanç es d’almens 54 personas tuadas per las fòrças de l’òrdre, çò raportava dissabte Iran Human Rights. Demest los mòrts se tròba Hadis Najafi, la gojata que venguèt un simbòl de las manifestacions per un vidèo que tresvirèt los rets socials. Lo filmet la mostrava d’esquina a se ligar lo pel mentre que se preparava per afrontar las fòrças de l’òrdre. “Sa sòrre me diguèt qu’aviá solament 20 ans e que la tuèron amb 6 balas dins la vila de Karaj”, çò assegura la jornalista iraniana Masih Alinejad.
 
En Iran, e sustot al Curdistan oriental, se ten una revòlta democratica e laïca dirigida per de femnas, desencadenada per la mòrt de Jina Amini (oficialament Mahsa Amini), una femna curda de 22 ans que l’avián detenguda a Teheran per non portar pas “adeqüatament” l’hijab.
 
De manifestacions an luòc dins una ochantena de vilas ont se denóncia “de detencions massissas”. Jols crits de “justícia” e “libertat” los imatges de las protèstas son mai que mai de femnas que mòstran lor pel e crèman lor cairat islamic e mai de representacions de l’aiatollà Khomeini, fondador de l’actual regim teocratic. La polícia emplega de gases lacrimogèns, de canons d’aiga e de fuòc real per reprimir las protèstas.
 
De lor caire, las autoritats del país acusan “l’enemic estrangièr” d’aver alucat las protèstas, per mejan de l’intervencion de las ambaissadas e dels servicis secrets occidentals.
 
 

This was Hadis Najafi preparing to fight the Islamic Republic, empty handed.

Khamenei's men fired six bullets into her heart and killed her.

The regime in #Iran is trying to eliminate the country's bravest youth. Don't let them do it with your silence.#حدیث_نجفی#مهسا__امینیpic.twitter.com/4xSXfyTQhA

— NUFDI (@NUFDIran) September 25, 2022

 

This was Hadis Najafi preparing to fight the Islamic Republic, empty handed.

Khamenei's men fired six bullets into her heart and killed her.

The regime in #Iran is trying to eliminate the country's bravest youth. Don't let them do it with your silence.#حدیث_نجفی#مهسا__امینیpic.twitter.com/4xSXfyTQhA

— NUFDI (@NUFDIran) September 25, 2022