Actualitats
Midi Libre s’engatja per la defensa de l’occitan
Lo jornal occitan d’expression francesa dobrís lo debat e dona la paraula als ensenhaires, als parents e als legeires
Tèxte legit
Midi Libre s’engatja per la defensa de l’occitan. Dins una letra publicada dins l’edicion de dissabte passat, lo jornal occitan d’expression francesa assegura que “defendre l’occitan es protegir nòstre patrimòni lingüistic e nòstre tresaur nacional” e qu’aquò “es la mission de cadun de nosautres”. Aital, Midi Libre dobrís lo debat e dona la paraula als ensenhaires, als parents e als legeires en lor demandant qu’escrigan lors vejaires al sèti del jornal o electronicament a redac.chef(a)midilibre.com.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Per rebombir sus la question "geografica": sud de France, nord de Mediterranée... e tot lo demai, i a una causa que cal prendre en compte, es lo punt de vista, tot lo monde o a comprés. Mas lo punt de vista (occitan, evidentament) deu situar las causas per rapòrt a el, tot simplament: sèm dins lo sud de França e lo sud-oèst d'Euròpa, mas parlam plan del "nòrd" quand evocam lo cociutadans del "nòrd de França". Los occitans se situisson donc fòrt plan.
Per la marca comerciala, es autra causa: es pas destinada als occitans. Pòrta una vision colonizada del territòri e donc limitada al mercantil.
#5
Èra just una citacion (Fabulous Tobadors).
E una reaccion contra la vergonhosa apellacion "Sud de France", eiretatge del Bourquin que la Delgà a servada. Ieu, per principi, agachi las etiquetas dels produches regionals e se i a "Sud de France", cèrqui quicòm mai.
Un bon produch a pas besonh d'èsser estampilhat a la francimanda.
En mai d'aquò, aquesta mena de marquetinga, servís a pagar de fenhantasses que caufan la cadièra dins un bastiment òrre qu'impermeabilitza un pauc mai lo campèstre a Peròls, entre Lo Clapàs e la mar.
#3 Sèm Oèst d’Itàlia tanben, e a l’èst de la Mar Granda.
Istoricament sèm los Galloromans del sud.
Geograficament sèm en Euròpa del sud.
Politicament sèm dins la França del sud.
Emisfèrî Nòrd.
« Empèri del solelh » disiá Mistral.
Los mens sabents veson lo Miègjorn davant lor pòrta.
Pel "Midi" Libre, se remontam als tempses de viure al Larzac, es un viratge a 180 degràs. D'aquel temps, aquel jornal s'opausava ferotjament a l'occitan.
E puèi es arribada la cronica de Joan Loïs Blenet. Pas qu'un fenestron, mas tot un eveniment se consideram la politica precedenta del jornal.
Qu'ara, afortisca francament son engatjament per l'occitan, òsca !
#1 Efectivament : Sèm pas "Sud de France, sèm "Nord de Méditerranée"!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari