Lo president rus, Vladímir Putin, signèt ièr divendres a miègjorn lo decret d’annexion a Russia de las províncias ucrainesas de Luhansk, Donetsk, Kherson e Zaporijjia. La signatura se faguèt dins l’encastre d’un eveniment multitudinari al Kremlin en preséncia de las principalas figuras del regim rus e dels quatre caps d’estat pròrusses de las províncias annexadas. Dins son parladís, Putin critiquèt l'Occident en l’acusant de voler colonizar Russia.
 
Ça que la, aquela annexion arriba al moment que l’armada russa a començat de subir de pèrdas militaras significativas dins aquelas regions, mai que mai a Zaporijjia e Donetsk. Mas Putin a anonciat que Russia renonciariá pas jamai a aqueles quatre territòris, e que serián pas de monedas de cambi dins d’eventualas negociacions de patz amb Ucraïna. “Ucraïna deu tornar a la taula de negociacion. Sèm dispausats a negociar, coma o avèm ja afirmat en de nombrosas escasenças […] mas Ucraïna deu respectar l’expression de la volontat populara”, çò a avertit.
 
L’annexion a luòc après los referendums menats a bon tèrme aquesta setmana jos la supervision de las autoritats russas. Los referendums, totun, son durament criticats per la comunautat internacionala, que los qualifica d’illegals. De fach, de soldats de l’armada russa son estats filmats a collectar de vòtes de pòrta en pòrta, e qualques refugiats sortits d’aquelas regions an explicat que foguèron obligats de votar jos la menaça d’armas.
 
Aquelas quatre regions representan lo 15% del territòri d’Ucraïna, una estenduda d’environ 109 000 quilomètres cairats, e comptan environ quatre milions d’abitants. Ara que son annexadas, lo Kremlin considerarà los atacs sus aquelas regions coma un atac sul territòri rus, e Putin a ja anonciat qu’esitariá pas a emplegar d’armas nuclearas contra tota fòrça que los ataque, compresa l’armada ucraïnesa.
 
 
Chaple a Zaporijjia
 
Tot aquò se passèt qualques oras après l’atac contra una caravana umanitària de civils ucraïneses a Zaporijjia qu'a daissat 23 mòrts e una trentena de nafrats. Lo convòi èra integrat per de desenas de veïculs particulars que volián intrar dins la zòna ocupada per l’armada russa en i portant de material umanitari. Lo Kremlin a acusat l’armada ucraïnesa de l’atac del temps qu'Ucraïna acusa Russia de terrorisme.

 

Putin on the "rules-based order" in the west. "Has anyone seen these rules? Who agreed to them?"

He says the western elite is "colonial" are "racist" because they are "spreading Russophobia all over the world." pic.twitter.com/lccoOi7IbP

— max seddon (@maxseddon) September 30, 2022