Actualitats
L’armada espanhòla aviá previst de mobilizar 3500 soldats en Catalonha en octòbre de 2017
L’operacion foguèt elaborada per qualques luòctenents e generals e obtenguèt l’aprovacion per escrich de la qu’èra alavetz la minista de la defensa espanhòla
Tèxte legit
L’armada espanhòla aviá previst de mobilizar 3500 soldats en Catalonha en octòbre de 2017 per empedir l’independéncia dins una operacion sonada “Recobrar la sobeiranetat”, çò rapòrta lo jornal espanhòl El País. L’article es basat, en partida, sus un libre entitolat Rey servido y Patria honrada (Rei servit e pàtria onorada) escrich pel general de l’armada espanhòla Fernando Alejandre Martínez, qu’en 2017 èra lo cap de l’Estat-Major de la defensa de l’estat.
L’operacion foguèt elaborada per qualques luòctenents e generals, e obtenguèt l’aprovacion per escrich de la qu’èra alavetz la minista de la defensa espanhòla, María Dolores de Cospedal, que lo libre la definís aital: “A mai de patriòta, èra coratjosa”.
La primièra fasa de l’operacion deviá ajudar los mai de 5000 agents de la polícia e la gàrdia civila desplaçats en Catalonha, se la situacion veniá sens contraròtle. Dins aquel sens l’armada mandèt de jaces, de cosinas, de dochas e d’autre material logistic a una casèrna près de Barcelona, e portèron de maquinas pesantas per dobrir l’accès al pòrt de Barcelona se los manifestants blocavan la sortida del naviris que lotjavan los policièrs e que los trabalhadors del pòrt avián refusat de provesir.
Las fasas seguentas prevesián de remplaçar los agents de la polícia e la gàrdia civila per d’agents de l’armada de tèrra espanhòla. Mas lo Ministèri de l’Interior espanhòl refusèt l’ajuda d’Alejandre. Ça que la, segon El País, se tenguèt l’alèrta per l’activar, coma o aviá autorizat la ministra de la defensa e quitament s’activèt lo 10 d’octòbre, quand lo president Carles Puigdemont proclamèt l’independéncia dins lo Parlament de Catalonha. Mas l’operacion s’anullèt qualques instants apuèi, tanlèu que Puigdemont aguèt suspendut la proclamacion per donar una oportunitat al dialòg.
L’operacion foguèt elaborada per qualques luòctenents e generals, e obtenguèt l’aprovacion per escrich de la qu’èra alavetz la minista de la defensa espanhòla, María Dolores de Cospedal, que lo libre la definís aital: “A mai de patriòta, èra coratjosa”.
La primièra fasa de l’operacion deviá ajudar los mai de 5000 agents de la polícia e la gàrdia civila desplaçats en Catalonha, se la situacion veniá sens contraròtle. Dins aquel sens l’armada mandèt de jaces, de cosinas, de dochas e d’autre material logistic a una casèrna près de Barcelona, e portèron de maquinas pesantas per dobrir l’accès al pòrt de Barcelona se los manifestants blocavan la sortida del naviris que lotjavan los policièrs e que los trabalhadors del pòrt avián refusat de provesir.
Las fasas seguentas prevesián de remplaçar los agents de la polícia e la gàrdia civila per d’agents de l’armada de tèrra espanhòla. Mas lo Ministèri de l’Interior espanhòl refusèt l’ajuda d’Alejandre. Ça que la, segon El País, se tenguèt l’alèrta per l’activar, coma o aviá autorizat la ministra de la defensa e quitament s’activèt lo 10 d’octòbre, quand lo president Carles Puigdemont proclamèt l’independéncia dins lo Parlament de Catalonha. Mas l’operacion s’anullèt qualques instants apuèi, tanlèu que Puigdemont aguèt suspendut la proclamacion per donar una oportunitat al dialòg.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mercés de har lo relais d'aquestas informacions sus Catalonha : los media en francés n'ac hèn pas guaire mentre qu'ei important.
L’armada espanhòla aviá previst de mobilizar 3500 soldats en Catalonha en octòbre de 2017. L’operacion foguèt elaborada per qualques luòctenents e generals, e obtenguèt l’aprovacion per escrit de la qu’èra alavetz la minista de la defensa espanhòla, de la defensa o, mailèu, de l'ataca. E donc Franco pòt dormir tranquille subre sos faisses innombrats de cadavres republicans : sos enfants velhan encara a l'òbra, sense compte de ne rendre a degun.
Dins la vision supremacistas d'aqueles "espannhòls", los catalans son un pòble onticament infrerior al pòble castelhan, un pòble onticament inferior, es a dire fait per servir, demorar somés e se calar. Se que non, tiran… S'aquò non es pas de fascisme, digatz-me çò qu'es.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari