“Vòstras crisis, vòstras guèrras. Pagarem pas”. Jos aquestes eslogans se tenguèron diluns passat de protèstas pertot en Itàlia, après que las autoritats aguèron anonciat una pojada del prètz de l’electricitat del 60%. Las manifestacions seguissián la crida del sindicat USB e se faguèron a Nàpols, Castèl de Sardenha, Roma, Milan, Florença, Turin, Vicença, Trièste, Bolonha, Ligorna, Pisa e Espolet.
 
Los manifestants denóncian la mesura del govèrn, l’especulacion de las societats d’energia qu’obtenon de profièches màgers e que l’Union Europèa non combate pas l'especulacion qu'a causat l'aument brutal dels prèses del gas. A mai, qualifican de “misteriosas” las atacas que las an patidas darrièrament los gasoduches Nord Stream.
 
En mai d’aquò, lo sindicat USB a previst de far una denóncia al ministèri public de Roma “contra totas las conduchas de las entrepresas que vendon de gas, d'electricitat e de produches de petròli al prejudici de la collectivitat, en especulant amb las diferéncias entre çò qu'an pagat per las matèrias primièras e lo prètz al qual o nos vendon”.
 
Lo sindicat repròcha la postura del primièr ministre en foncions, Mario Draghi, e mai avertís que la futura cap del govèrn, l’ultradrechista Giorgia Meloni, resolverà pas la situacion après aver “rebutat las pretendudas diferéncias qu’afichava per capturar de vòtes”.
 
De son latz, la pus granda associacion de consumaires d’Itàlia, Codacons, avisa qu’aqueste mes d’octòbre i a lo risc que las facturas del gas sián multiplicadas per dos e que se produga un aument inaudit dels prèses de l’electricitat. Segon l’Institut de Recèrca Environamentala e de Formacion del Consumaire (IRCAF), “se s’addiciona las facturas de gas e d’energia de 2022, lo còst annadièr per familha es de 3454,50 èuros”.
 
A l’ora d’ara, lo prètz de l’electricitat es exorbitant en tota Occitània. Lo prètz mejan del MWh èra ièr dimars de 200,38 èuros en Aran, 346,73  èuros dins las Valadas e a la Gàrdia, 157,7  èuros a Mónegue e 287,71  èuros dins la rèsta del país.

 




 

Italie Milan, Le syndicat USB descend dans la rue pour faire la « guerre à la vie » avec des initiatives symboliques de brûler des factures et protester contre l'augmentation vertigineuse de l’énergie #inflation#USB#energy#electricitepic.twitter.com/ecTQgGucbG

— RASEK (@rasekrasek) October 4, 2022

 

Oggi proteste in moltissime città, organizzate da USB,
a Roma via Goito 4, alle 16
sede di Cassa Depositi e Prestiti maggior azionista #Eni#carobollettehttps://t.co/2hXspXBv1c

— USB Sindacato (@usbsindacato) October 3, 2022