Lo Parlament Europèu tractèt ièr la repression del regim iranian contra las protèstas dirigidas per de femnas e desencadenadas per la mòrt de Jina Amini (oficialament Mahsa Amini), una femna curda de 22 ans que l’avián detenguda a Teheran per non portar pas “adeqüatament” l’hijab. Pendent lo debat, l’eurodeputada suedesa d’origina iraquiana, Abir As-Sahlani, denoncièt los abuses de las autoritats iranianas e se solidarizèt amb las manifestantas en se talhant lo pel. “Femnas, vida e libertat!”, çò cridèt abans de prene los cisèls.
 
“La tradicion de se talhar lo pel en protèsta es una tradicion millenària. Mòstra que la colèra es mai fòrta que lo poder de l’opressor. Las femnas d’Iran an pro patit. L'UE deuriá mostrar lo meteis coratge e ofrir son supòrt”, çò apondèt l’eurodeputada, que reclamèt al naut representant de l'UE pels afars estrangièrs, Josep Borrell, qu'anèsse delà las declaracions diplomaticas.

 

 

Traditionen att klippa av sig håret i protest är tusenårig.
Den visar att ilskan är starkare än förtryckarens makt.
Irans kvinnor har fått nog.
EU borde visa samma mod och ge dem fullt stöd. pic.twitter.com/0FdMB9XoXu

— AbirAlsahlani (@AbirAlsahlani) October 4, 2022