Actualitats
Bordèu: grand mercat occitan uèi sus la Plaça Pèir Berland
Un eveniment ont escambiar en gascon amb los productors e ont viure la lenga e la cultura
Tèxte legit
Un mercat occitan animat se ten uèi a Bordèu, entre 10h e 18h, sus la Plaça Pèir Berland. Es un eveniment ont se pòt escambiar un mot en gascon amb un vinhairon e tastar son melhor vin, descobrir las darrièras publicacions de libres, musica o filmes en occitan, tastar un formatge bearnés o d’òstras del Clavèir, dançar, cantar e plan d’autras causas.
De soslinhar la cantèra que se farà a 11h amb la participacion de la corala l’Estaca del cercle occitan de Peçac, la vesita comentada del Bordèu occitan que se tendrà a partir de 14h e lo balèti tradicional en plen aire amb lo grop Lolotte e Bretelles a partir de 15h.
L’eveniment es organizat per l’Ostau Occitan (IEO de Gironda) dins l’encastre del festenal Mascaret.
De soslinhar la cantèra que se farà a 11h amb la participacion de la corala l’Estaca del cercle occitan de Peçac, la vesita comentada del Bordèu occitan que se tendrà a partir de 14h e lo balèti tradicional en plen aire amb lo grop Lolotte e Bretelles a partir de 15h.
L’eveniment es organizat per l’Ostau Occitan (IEO de Gironda) dins l’encastre del festenal Mascaret.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es una bona iniciativa de tornar metre la lenga occitana dins la vida sociala. M'avise sovent que just un mot mena un resson. Aqueste matin en cò del carnasaladièr, al moment de pagar, regardi la patrona e avant de pausar ma carta blava sus la maquineta, li demandi : Aquí ? E ela me fa un sorire e me respond Òc ! I aviá de monde e anère pas mai luènh, mas lo còp que ven, en setmana, ensajarai de la faire parlar un pauc mai.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari