Actualitats
Los despenjaires del retrach de Macron denóncian un “acarniment judiciari”
An sasit la Cort Europèa dels Dreches Umans
Tèxte legit
Dimècres passat, onze militants qu’avián despenjat de retraches d’Emmanuel Macron en 2019 de qualques comunas de l’estat francés, denoncièron un “acarniment judiciari” en assolidant qu’a la fin de l’estiu avián sasit la Cort Europèa dels Dreches Umans (CÈDU), çò rapòrta Reporterre.
Aqueles onze militants avián raubat de fòtos del president francés dins la comuna occitana de la Ròcha de Glun (Valentinés), la comuna alsaciana de Lingolsheim e dins la comuna de París. Lor tòca èra d’alertar l’opinion publica sus l’ inaccion climatica d’Emmanuel Macron.
Al mes de mai d’ongan, la Cort de Cassacion aviá reconegut que las accions militantas d’aquela mena podián èsser del camp de la libertat d’expression, mas que las condemnacions d’aqueles activistas per las corts d’apelacion de París, Grenòble e Kolmer èran pas “desproporcionadas” pr’amor de la “valor simbolica” del retrach, del “refús de lo restituir” e perque lo panatòri s’èra fach “en reünion”.
Los militants, totun, asseguran qu’an patit una repression desproporcionada amb de gàrdias a vista, d’escorcolhs, de presas d’emprentas ADN e un acarniment judiciari pel fach que lo ministèri public faguèsse apelacion après que foguèron relaxats en primièra instància. Ara, l’afar es entre las mans dels jutges de la CÈDU.
En febrièr de 2019 comencèron las accions de despenjament dels retraches de Macron en seguida d’una crida lançada pel movement Accion non violenta COP21. S’arribèt de despenjar 151 retraches oficials del president francés, per protestar contra son “inaccion climatica e sociala” pertocant lo cambiament del clima.
Aqueles onze militants avián raubat de fòtos del president francés dins la comuna occitana de la Ròcha de Glun (Valentinés), la comuna alsaciana de Lingolsheim e dins la comuna de París. Lor tòca èra d’alertar l’opinion publica sus l’ inaccion climatica d’Emmanuel Macron.
Al mes de mai d’ongan, la Cort de Cassacion aviá reconegut que las accions militantas d’aquela mena podián èsser del camp de la libertat d’expression, mas que las condemnacions d’aqueles activistas per las corts d’apelacion de París, Grenòble e Kolmer èran pas “desproporcionadas” pr’amor de la “valor simbolica” del retrach, del “refús de lo restituir” e perque lo panatòri s’èra fach “en reünion”.
Los militants, totun, asseguran qu’an patit una repression desproporcionada amb de gàrdias a vista, d’escorcolhs, de presas d’emprentas ADN e un acarniment judiciari pel fach que lo ministèri public faguèsse apelacion après que foguèron relaxats en primièra instància. Ara, l’afar es entre las mans dels jutges de la CÈDU.
En febrièr de 2019 comencèron las accions de despenjament dels retraches de Macron en seguida d’una crida lançada pel movement Accion non violenta COP21. S’arribèt de despenjar 151 retraches oficials del president francés, per protestar contra son “inaccion climatica e sociala” pertocant lo cambiament del clima.
« La répression que nous subissons ne se limite pas aux amendes ; elle s’étend aux gardes à vue, perquisitions, prise d’empreinte ADN, et acharnement judiciaire... » https://t.co/lXYWn7F7Wv
— Reporterre | Le quotidien de l'écologie (@Reporterre) October 5, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los despenjaires del retrait del Macron denóncian un “acarniment judiciari”, mas totun, i a agut "crime de lèsa-majestat"… Lo rèi es macat : lor va impausar lo suplici de la ròda : lor farà los pès, e lor aprendrà a se revoltar contra nòstre rei ben amat, elegit per mens d'un tèrç de la populacion inscrita sus la tièras electoralas.
Au nom de l'ecologia, que feriam pas?
Mas, la propaganda mediatica montran pas las dizenas de miliers de scientics que denonçan l'ipocrisia de l'eschaurement climatic. Sem dins la pensada unica.
Melenchon pòd ben far una marcha contre lo climat, contre la saletat de Paris mas quò respond pas au problem de fonds qu'es de remplaçar aquel sistem politic bastit sur la corupcion. Nombre de ministres, lo quite secretari de l'Elisia, la presidenta de l'UE son mis en acusacion per delits d'iniciats e autres afars comercialas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari