capçalera campanha

Actualitats

PoliticaSocietat

Revòlta de la polícia judiciària francesa après la destitucion d’Eric Arella

De policièrs, procuraires e jutges de tot lo país manifèstan contra lo remandament e manifèstan son oposicion a la reforma de la PJ

Arella quitèt l’ostal de la polícia de Marselha onorat e ovacionat per d’agents, procuraires e jutges d’instruccion
Arella quitèt l’ostal de la polícia de Marselha onorat e ovacionat per d’agents, procuraires e jutges d’instruccion | La Provence

Tèxte legit

Revòlta de la polícia judiciària francesa après la destitucion d’Eric Arella, cap de la polícia judiciària (PJ) de la zòna dicha “sud” segon la geografia estatala francesa. Arella foguèt emmandat lo 7 d’octòbre passat, a l’endeman d’una manifestacion contra la reforma de la PJ. L’an remandat per “desleialtat” e l’an remplaçat per Dominique Abbenanti, a l'ora d'ara agregat de seguretat en Argièr.
 
Arella quitèt l’ostal de la polícia de Marselha onorat e ovacionat per d’agents, procuraires e jutges d’instruccion. Foguèt pas lo cas del director general de la policia nacionala francesa (DGPN), Frédéric Veaux, que s’èra gandit dijòus a Marselha. A la sortida de sa reünion a l’ostal de la polícia, traversèt los corredors dins un ambient glacial, obligat de fendre una barradissa de manifestants dels braces crosats e silencioses.
 
De policièrs e de magistrats de tot l’estat, mai que mai en Occitània, planhon qu’Arella siá estat destituit per las manifestacions d’oposicion a la reforma de la PJ. De centenas d’oficièrs se son recampats a Marselha, Tolon, Tolosa, Niça, Montpelhièr e endacòm mai.
 
Dempuèi lo començament de l’annada, 25 personas son mòrtas dins lo departament de las Bocas de Ròse (aperaquí Camarga, Crau, País d’Ais e País Marselhés) per d’omicidis restacats al trafec de drògas. Segon lo ministre de l’Interior, Gérald Darmanin “se resòlv aquí lo 60% dels reglaments de comptes, es a dire qu’es una chifra extrèmament positiva pr’amor qu’en França resolvèm environ lo 30% de las temptativas d’omicidi”.
 
 
 
 
 
 


abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Mèfi! 31
1.

Le verai problèma
Es le projècte del govèrn de restacar la polícia judiciaira en l'auctoritat del prefècte (Ministèri del interior), que depend actualament del Procuraire (Ministèri de la Justícia), per fin non avodada de mestrejar l'activacion tal coma la desactivacion (escanna?) de las enquistas.
Aquiu le motiu de la protèsta del naut fonccionari e dels còrses policièrs e judiciaris.
Quand mòstras la luna al bauj, el vèi le deit... atal va la premsa.

  • 8
  • 0

Escriu un comentari sus aqueste article