En març passat lo musician gascon Sarralhèr publicava Patz, un album caracterizat coma elèctro dins lo qual podiam trapar d’elements de totas las sòrtas de musica. Ara ne presenta un remix. “L'album Patz qu'èra pro elèctrorock e aquest còp, que dirí qu'es meilèu rockelèctro! En fèit, qu'èi hornit guitarras e vutz a 9 cantas, çò que hèi lo rendut qu'es hòrt rock e mei cançon”, çò explica lo musician a la redaccion de Jornalet. De notar que torna emplegar la fòto de l'album Patz e d'umor e gaireben d'absurditat davant de cocotièrs amb un títol kitsch.
 
Se totes los trabalhs precedents de Sarralhèr èran puslèu pensats per partejar en linha, lo prètzfach primièr d’aqueste remix serà de lo defendre sus l’empont, sol o acompanhat.
 
Aqueste “megaarremix” se presenta sus Youtube amb de sostítols en occitan e en francés.
 


 

---

SARRALHÈR. Patz. Lou mega arremix. 9 títols, 7 èuros