Actualitats
Lo Collectiu Occitan torna far campanha per l’occitan a la television publica
La mobilizacion començarà amb dos aperitius revendicatius lo 23 de novembre a 12h davant lo sit de France 3 a Montpelhièr e a Tolosa
Tèxte legit
Lo Collectiu Occitan, amassat divendres passat a Tolosa, a decidit de tornar far campanha per “l’occitan cada jorn a la television regionala” amb dos aperitius revendicatius lo 23 de novembre a 12h davant lo sit de France 3 a Montpelhièr e a Tolosa. A mai, lo collectiu vòl tanben aviar una campanha de mobilizacion per amassar de dons e contribucions per Jornalet.
Lo Collectiu Occitan revendica la preséncia de l’occitan dins la television publica e reünís un desenat de movements occitanistas dont Convergéncia Occitana, l’IEO, lo CRÈO, la Confederacion Calandreta, lo Partit Occitan, EELV Occitània, País Nòstre, lo Partit de la Nacion Occitana, Bastir Occitània e Macarèl.
Après qualques ans de mobilizacion per la preséncia de l’occitan cada jorn a la television publica, lo Collectiu Occitan reüssiguèt a aduire l’afar fins a l’Assemblada Nacionala francesa. Ara, lo govèrn francés prepara una granda reforma de l’audiovisual e es un bon moment per se far ausir.
De soslinhar que 618 comunas votèron una mocion que sosteniá las demandas del Collectiu Occitan per la preséncia jornadièra de l’occitan a la television publica. En mai d’aquò, los departaments d’Aude e de la Nauta Garona votèron una mocion parièra del temps que lo departament de Gard mandava una letra de sosten al ministre de la cultura.
Una ora e quart per mes
A l’ora d’ara, la television publica francesa non prepausa d’emissions en occitan que 17 oras per an, çò que fa una mejana d’una hora e quart per mes. Aquela preséncia es infima se la comparam amb la preséncia de las lengas autoctònas a las televisions dels estats vesins coma Espanha, Soïssa o Belgica.
Ajudar Jornalet
Lo Collectiu, a mai, a decidit de se mobilizar per ajudar Jornalet “pr’amor qu’es una aisina fondamentala per la dignitat de la lenga, qu’es panoccitana e qu’es ja un forum”, çò explica Joan-Loís Blenet, copresident de Calandreta en tot remarcar qu’aqueste jornal es pas sostengut per cap de collectivitat del costat nòrd dels Pirenèus.
De fach, aqueste jornal patís un excès de trabalh e un finançament fòrça magre e per aquelas rasons ven de far una crida al sosten financièr e intellectual que lo Collectiu Occitan s’i es engatjat.
Dins aquela draia, sèm tanben a establir d’acòrdis de cooperacion amb Ràdio Occitània, Ràdio Nissa Pantai e Lo Diari.
Lo Collectiu Occitan revendica la preséncia de l’occitan dins la television publica e reünís un desenat de movements occitanistas dont Convergéncia Occitana, l’IEO, lo CRÈO, la Confederacion Calandreta, lo Partit Occitan, EELV Occitània, País Nòstre, lo Partit de la Nacion Occitana, Bastir Occitània e Macarèl.
Après qualques ans de mobilizacion per la preséncia de l’occitan cada jorn a la television publica, lo Collectiu Occitan reüssiguèt a aduire l’afar fins a l’Assemblada Nacionala francesa. Ara, lo govèrn francés prepara una granda reforma de l’audiovisual e es un bon moment per se far ausir.
De soslinhar que 618 comunas votèron una mocion que sosteniá las demandas del Collectiu Occitan per la preséncia jornadièra de l’occitan a la television publica. En mai d’aquò, los departaments d’Aude e de la Nauta Garona votèron una mocion parièra del temps que lo departament de Gard mandava una letra de sosten al ministre de la cultura.
Una ora e quart per mes
A l’ora d’ara, la television publica francesa non prepausa d’emissions en occitan que 17 oras per an, çò que fa una mejana d’una hora e quart per mes. Aquela preséncia es infima se la comparam amb la preséncia de las lengas autoctònas a las televisions dels estats vesins coma Espanha, Soïssa o Belgica.
Ajudar Jornalet
Lo Collectiu, a mai, a decidit de se mobilizar per ajudar Jornalet “pr’amor qu’es una aisina fondamentala per la dignitat de la lenga, qu’es panoccitana e qu’es ja un forum”, çò explica Joan-Loís Blenet, copresident de Calandreta en tot remarcar qu’aqueste jornal es pas sostengut per cap de collectivitat del costat nòrd dels Pirenèus.
De fach, aqueste jornal patís un excès de trabalh e un finançament fòrça magre e per aquelas rasons ven de far una crida al sosten financièr e intellectual que lo Collectiu Occitan s’i es engatjat.
Dins aquela draia, sèm tanben a establir d’acòrdis de cooperacion amb Ràdio Occitània, Ràdio Nissa Pantai e Lo Diari.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Segon mas informacions: 12 personas, que representavan un detzenat de partits e associacions occitanistas.
#4 La foto es una foto d'archius. Foguèt pas presa a aquesta reunion. Bon, sens èsser un grand espectator de television, m'agradariá que los que l'agachan la posquèsson agachar en occitan. A s'abestir, val mai s'abestir en occitan. E a se divertir, se val mai divertir en occitan. Quand Coca-Cola pagarà per difusir de publicitats televisadas en occitan, cresi qu'aurem ganhat quicòm.
#1 Segon mas informacions: 12 personas, que representavan un detzenat de partits e associacions occitanistas.
#5 Per la ressorça umana, cresi que se podrà trobar. Es pas perqué mancam de regents que i a pas d'autras personas que sabon parlar occitan per far de jornalisme (i a pas pro d'ensenhaires de matematicas, mas mancam pas de monde formats en matematicas!).
"Tà parlar de qué?" de tot!
" A qui?" a totes!
"E qui va pagar?" los que pagan ja! I a pas besonh de pagar mai, basta d'utilizar l'argent que pagam ja pels medias publics per aver un (o mai) media en occitan. Quand se vei que i a una television en Aragon! es pas la region mai rica d'Euròpa macarèl!
Mes dab qui tà har emissions e reportatges????? On son los jornalistas formats, capables d'exprimí's en mei d'un dialècte? Tà parlar de qué? A qui? E qui va pagar?
N'avem dejà pas pro de regents, alavetz jornalistas....
S'abestir davant lo fenestron es tan colhon en occitan qu'en francés.
Qu'un òme de teatre coma B. C. (present sus la fòto e aparentament lo sol manifestant) o comprenga pas es aberrant.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari