Lo 12 d’octòbre en qualques endreches recòrda l’arribada de Cristòl Colomb en America en 1492. Per aquela rason, Espanha celèbra sa fèsta nacionala, dicha jorn de l’Ispanitat. L’armada desfila a Madrid en preséncia del rei e de representants de totes los poders de l’estat e oficialament se commemòra lo “començament d’un periòde de projeccion lingüistica e culturala delà los limits europèus”.
 
La celebracion es fòrça contestada en Catalonha, al Bascoat e, de segur, en America. Dins qualques païses se ten una jornada “de respècte de la diversitat culturala”, Bolívia celèbra lo “jorn de la descolonizacion” e de païses coma Nicaragua e Veneçuèla fan un “jorn de la resisténcia indigèna”.
 
L’an passat, lo president de Mexic demandèt perdon a la populacion indigèna mexicana e a totas las victimas de la catastròfa entraïnada per l’ocupacion militara espanhòla. En 2019,  aviá sollicitat del rei d’Espanha d’excusas publicas per las atrocitats de la conquista, e un an pus tard demandèt la meteissa causa al papa. Lo cap de la glèisa catolica respondèt a la demanda e envièt una letra en demandant excusa mas lo govèrn espanhòl o refusèt “fermament”.

 

12 DE OCTUBRE: DÍA DE LA DIGNIDAD, RESISTENCIA Y LUCHA INDÍGENA Consejo Supremo Indígena de Michoacán #CSIM#DiaDeLaResistenciaIndigena#12DeOctubreNadaQueCelebrar#ResistenciaIndígena#Descolonicémonos#NoFueDescubrimiento#NadaQueCelebrar#12DeOctubrepic.twitter.com/EDKHJm7BSO — Pável Uliánov Guzmán (@PavelUlianov) October 11, 2022 | Este 12 de Octubre, en el “Día de la raza” o en el mes de la resistencia el Observatorio de de la #CNTI realizará el lanzamiento del informe “El eterno retorno de la violencia política contra los Pueblos Indígenas en Colombia”, balance 2021. | 12 de octubre 3:00 p.m. pic.twitter.com/g8aYppjHWc — Comisión Nacional de Territorios Indígenas (@CNTI_Indigena) October 11, 2022

 
 
Popovich critica lo genocidi
 
Als Estats Units festejan lo dich Columbus Day o jorn de Colomb, mas qualques estats an tresmudat la fèsta en Jorn dels Pòbles Indigènas. Dins aquel sens, l’entraïnaire de l’esquipa de basquetbòl San Antonio Spurs, Gregg Popovich, a publicat suls rets socials son vejaire. “Compreni pas gaire nòstra vila. Perqué li dison a l’encòp “jorn dels indigènas” e “jorn de Colomb”. Colomb? El comencèt un genocidi dins lo Nòu Mond. Es çò que faguèt”.
 
Aital, Popovich a ramentat que l’arribada de Colomb e la colonizacion posteriora impliquèt “l’avaliment de totes los indigènas d’Ispaniòla, qu'es l’actuala Haití e la Republica Dominicana”. A mai, a denonciat l’esclavatgisme, las mutilacions e los assassinats perpetrats pels colons espanhòls. “I a fòrça estats qu'an fach un pas endavant e an eliminat lo jorn de Colomb e l’an tresmudat en jorn dels indigènas. Mas dins nòstra vila sèm tan retrogrades?”, çò a conclús.

 

“Columbus initiated a new world genocide of Indigenous people. He murdered. He mutilated. He took slaves. And we honor him with Columbus Day? Are we that backwards?” — Coach Pop spitting pic.twitter.com/XuwBbcmLOS

— Qasim Rashid, Esq. (@QasimRashid) October 10, 2022