Actualitats
An condemnat a uèch meses de preson l’èx-ministre britanic qu’enganèt suls ponches del permés de menar
Lo liberaldemocrata Chris Huhne carguèt sa femna d’una multa d’excès de velocitat per fin de non pèrdre lo sieu permés
L’èx-ministre britanic Chris Huhne e la siá èx-femna, Vicky Pryce, son estats condemnats aqueste diluns passat a uèch meses de preson per obstruccion a la justícia. Huhne, qu’èra quitament un dels possibles caps del partit liberaldemocrata, se vegèt obligat de demissionar del govèrn de David Cameron en febrièr d’arunan après que se saupèsse qu’en 2003, faguèt portar la responsabilitat a sa femna d’una multa de circulacion per evitar de pèrdre totes los ponches del sieu permés de menar. L’engana èra un secret familial; mas se descobriguèt quand Pryce ne parlèt amb la premsa après que lo ministre la quitèsse per una amorosa.
Lo fulheton d’escandal politic e sexual dels darrièrs meses al Reialme Unit a ja son verdicte. Un jutge britanic a condemnat l’èx-ministre Chris Huhne e la siá èx-femna Vicky Pryce a uèch meses de preson per enganar las autoritats amb los ponches del permés de menar.
En una senténcia qu’a generat un grand interès a Londres, lo jutge a assegurat que tant Huhne coma la siá èx-femna èran conscients que cometián un delicte. L’èx-ministre, que se declarèt copable, a formulat d’excusas publicas. La siá èx-femna, una prestigiosa economista, se defendèt en allegant qu’agiguèt jos la pression del qu’èra son marit, mas lo jutge a refusat los sieus arguments.
De fach, segon lo jutge Sweeney, totes los “elements dramatics” del cas son una fauta del parelh, estrictament. Lo magistrat a assegurat que Pryce ensagèt d’emplegar l’engana coma una “arma” contra lo sieu èx-marit quand el la quitèt per la siá amorosa e actuala companha, Carina Trimingham, mas las acusacions l’an afectada a ela atanben.
Lo jutge a assegurat que manipular la justícia amb los ponches del permés de menar es “plan aisit”, mas supausa una ofensa criminala “seriosa” perque equival a obstruir la justícia.
Lo cas ven de 2003, quand la veitura d’Huhne, un BMW, foguèt fotografiada per un radar amb un excès de velocitat entre l’aeropòrt d’Stansted e Londres. Alavetz Huhne èra un eurodeputat a Brussèlas. Sa femna assegurèt a la polícia qu’èra ela que menava la veitura per evitar que l’èx-ministre, qu’aviá ja perdut nòu ponches, perdèsse lo permés.
Segon lo verdicte del jutge, la senténcia pels dos es de uèch meses de preson, e se prevei que ne compliscan almens la mitat.
Lo fulheton d’escandal politic e sexual dels darrièrs meses al Reialme Unit a ja son verdicte. Un jutge britanic a condemnat l’èx-ministre Chris Huhne e la siá èx-femna Vicky Pryce a uèch meses de preson per enganar las autoritats amb los ponches del permés de menar.
En una senténcia qu’a generat un grand interès a Londres, lo jutge a assegurat que tant Huhne coma la siá èx-femna èran conscients que cometián un delicte. L’èx-ministre, que se declarèt copable, a formulat d’excusas publicas. La siá èx-femna, una prestigiosa economista, se defendèt en allegant qu’agiguèt jos la pression del qu’èra son marit, mas lo jutge a refusat los sieus arguments.
De fach, segon lo jutge Sweeney, totes los “elements dramatics” del cas son una fauta del parelh, estrictament. Lo magistrat a assegurat que Pryce ensagèt d’emplegar l’engana coma una “arma” contra lo sieu èx-marit quand el la quitèt per la siá amorosa e actuala companha, Carina Trimingham, mas las acusacions l’an afectada a ela atanben.
Lo jutge a assegurat que manipular la justícia amb los ponches del permés de menar es “plan aisit”, mas supausa una ofensa criminala “seriosa” perque equival a obstruir la justícia.
Lo cas ven de 2003, quand la veitura d’Huhne, un BMW, foguèt fotografiada per un radar amb un excès de velocitat entre l’aeropòrt d’Stansted e Londres. Alavetz Huhne èra un eurodeputat a Brussèlas. Sa femna assegurèt a la polícia qu’èra ela que menava la veitura per evitar que l’èx-ministre, qu’aviá ja perdut nòu ponches, perdèsse lo permés.
Segon lo verdicte del jutge, la senténcia pels dos es de uèch meses de preson, e se prevei que ne compliscan almens la mitat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquò fa pensar a la famosa lista francesa de las platas d'imatriculacion intocablas, la que se fan pas prendre pels radars automatics: se ditz que los ministres i son dessús, qualques deputats, qualques "people". Eles riscan pas de se far agantar
Per contra nosautres lo pòble fasem fàcia a las nòstras responsabilitat....
I a totjorn passa-dreits per d'unes que i a...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari