Almens 69 enfants son mòrts en Gàmbia a causa de lesions renalas agudas restacadas a un siròp antitussiu, çò rapòrta Bloomberg. Las autoritats gambianas entamenèron lo mes passat una enquista après que los servicis medials aguèron detectat en julhet que plusors enfants avián desvolopat de simptòmas grèus. L’enquista a detectat de quantitats inacceptablas de dietilenglicòl e etilenglicòl dins almens quatre tipes de siròps de paracetamòl, prescriches sustot per tractar la fèbre dels mainats. Se crenh que sián tanben distribuits dins d’autres païses. S’agís dels siròps Promethazine Oral Solution, Kofexmalin Baby Cough Syrup, Makoff Baby Cough Syrup e Magrip N Cold Syrup etiquetats en anglés.
 
Lo president gambian, Adama Barrow, a assegurat que la crisi sanitària èra ja jos contraròtle, e a suspendut las activitats de la societat farmaceutica que fabrica aqueles medicaments, segon un comunicat presidencial publicat dissabte de ser.