Ignazio La Russa, del partit Fraires d’Itàlia, es estat elegit president del Senat de la Republica Italiana, una causida qu’a fach polemica e causat de planhs quitament entre los sòcis de coalicion de la drecha.
                                   
Avocat de profession, La Russa foguèt deputat del partit faissista Movement Social Italian (MSI), defendèt los policièrs acusats de tortura pendent la manifestacion del G8 de l’an 2001 a Gènoa, ont tuèron Carlo Giuliani, e en 2012 venguèt fondador dels Fraires d’Itàlia. Sos ligams amb lo dictator Benito Mussolini s’arrestèron pas quand acabèt sa militància a l’MSI, compte tengut del fach que foguèt filmat mai d’un còp a far la saludacion faissista. Fa a pena un mes, lo 15 de setembre, una setmana abans las eleccions, declarèt: “Totes sèm d’eiretièrs del Duce”. A mai, reconeis, e mòstra dobèrtament, que son ostal es plen de retraches e bustes de Mussolini e de remembres de collaboradors del nazisme.
 
De fach, son eleccion es venguda tan polemica que quitament lo partit de Silvio Berlusconi i a pas votat en favor, en tot rompre lo consens dins la coalicion de drecha, e s’es vist coma lo Cavaliere a mandat al bòsc lo novèl president del senat.
 
 
Lo planh de Liliana Segre
 
L’eleccion de La Russa coma president del senat s’es fach en preséncia de Liliana Segre, presidenta momentanèa, per edat, del burèu de la cambra nauta. Segre es subreviventa de la Shoah e a fach un discors ferme dins lo qual a remembrat que lèu vendràn los cent ans de la Marcha sus Roma e del començament del faissisme: “Es impossible per ieu de non sentir pas una sòrta de vertige en me recordant d’aquela dròlla qu’en octòbre de 1938 per una lei racista foguèt obligada de quitar son burèu de l’escòla.”
 

 

Poignant speech by Holocaust survivor Liliana Segre at the opening session of Italy’s newly elected Senate: “It is impossible for me not to feel a sort of vertigo remembering that young girl who in October 1938 was forced to leave her school desk empty.” pic.twitter.com/a1XZcP6yCE

— Jeremy Cliffe (@JeremyCliffe) October 13, 2022

 

Immagini del Ventennio, foto del colonialismo fascista, camice nere e Balilla. Ma soprattutto bassorilievi, busti e statue del Duce nella casa di Ignazio La Russa, possibile futuro presidente del Senato. Seconda carica dello Stato. #matricepic.twitter.com/pKOFyHrd6V

— Alekos Prete (@AlekosPrete) October 11, 2022