En collaboracion amb Ràdio Occitània, Jornalet prepausa cada dimenge una entrevista àudio del podcast de la ràdio tolosana. Aquesta setmana, escotaretz sus las ondas l’entrevista del musicològ gascon Pascau Caumont que menarà un estagi de cants occitans a l’abadiá de Silvanés (Santafrican)
 

Qué de mièlhs qu’una abadiá cisterciana del sègle XII e son acostica excepcionala per se formar al cant ? Es l’escomesa que la fa la direccion de l’abadiá roergassa de Silvanés, establiment acostumat a aculhir o albergar de manifestacions culturalas de tota mena… dont un festenal de cantas e musicas sacradas e profanas que s’i ten cada estiu. Aital, lo bigordan Pascal Caumont, cantaire, formator e ensenhaire menarà un estagi de cants occitans sus plaça del 26 al 28 d’octòbre. Li avèm demandat primièr quina èra son istòria amb aquel luòc.