Actualitats
Tròban 92 migrants nuds a la frontièra entre Turquia e Grècia
Atènas e Ankara s’acusan mutualament de la situacion d’aquelas personas del temps que l’ÒNU n’exigís una enquista e denóncia un “tractament cruel e degradant”
Tèxte legit
La polícia grèga informa que socorreguèt los 92 òmes totes nuds a la frontièra en riba del flume Èvros. Èran solament d’òmes e qualques unes èran nafrats. Segon las autoritats grègas, lor donèron sul pic de qué s’abilhar, de manjar e de suènhs basics.
Segon Frontèx, l’agéncia frontalièra de l’UE, s’agís de personas sortidas de Siria e d’Afganistan que foguèron obligats de traversar las aigas geladas d’Èvros solament amb de bòtas de cauchó. Segon lo rapòrt, se sap pas brica clarament “cossí e perqué” avián perdut lors vestits. Cossí que siá, Frontèx avertís d’una violacion dels dreches.
Lo ministre grèc de la proteccion civila, Takis Theodorikakos, denóncia un “imatge inuman” e assegura, en mençonant lo rapòrt de Frontèx, que foguèron menats al flume frontalièr per de veituras de l’armada turca.
A mai, Theodorikakos a acusat Turquia “d'instrumentalizar l'immigracion illegala”. Totun, Turquia desmentís aquelas acusacions e, per la votz de son ministre adjonch de l’Interior, İsmail Çataklı, assegura que Grècia deu arrestar “la manipòla e la malonestetat”, en acusant lo país vesin de comportament “inuman”.
The UN refugee agency calls for a full investigation after Greek authorities discovered 92 naked people at the Greece-Turkey border, prompting accusations of blame between the two countries pic.twitter.com/RB8fxbDp1Q
— Al Jazeera English (@AJEnglish) October 17, 2022
UNHCR is deeply distressed by the shocking reports and images of 92 people, who were reported to have been found at the Greek-Turkish land border, stripped of their clothes.
— UNHCR, the UN Refugee Agency (@Refugees) October 16, 2022
We condemn such cruel and degrading treatment and call for a full investigation into this incident.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Cal èsser tombat dins lo mond ont s'exterminan tranquillament de pòbles que geinan los mai fòrts, dins un mond ont los autres pòbles, los que non son exterminats, son espleitats sense pietat. Cal èsser tombats dins lo mond ont i son encara, a títol de vestigis e d'ajuda-memòria, Mathausen, Daschau, Buchenwald, e totes los camps de concentracions qu'an tengut embarrats los republicans catalans, basques e castelhans coma se foguèssen estats de dangièrs terribles, de monstres e guèrra, de rascles d'una sosumanitat inferiora e indesirabla. Es lo meteis mond, lo que tua nòstra lenga sense compte de ne rendre a degun. Nos cal indignar, revoltar, plan segur, mas non cal pas èsser suspreses… Sèm plan a la meteissa adreiça !
Qual que siá lo pais responsable es grèu e mai que grèu.
Mercé al Jornalet de denonciar tot çò que se dèu denonciar, emai se los images nos son insuportables.
Un èsser uman pòt pas tractar un autre èsser uman coma aquò. I a pas una sola rason valabla !
Cal èsser tombat dins un mond sens limits, completament "desumanizat" !
Es un deber de seguir l'enquista e de castigar los responsables.
Qual ditz pas res consent...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari