capçalera campanha

Actualitats

PoliticaSocietat

França: l’extrèma drecha se servís de l’esglasiant assassinat d’una dròlla de 12 ans

La detenguda coma murtrièra presumida de Lola Daviet es d’origina argeriana, se tròba dins l’estat francés en situacion irregulara e èra estada notificada d’un òrdre d’obligacion de quitar França

Tèxte legit

L’esglasiant assassinat d’una filha de 12 ans a París a esmoguda la societat francesa. Lola Daviet la trobèron torturada, estofada e estacada dins una caissa de plastic après que la familha n’aguèt senhalada la desaparicion. La detenguda coma autora presumida del crime es una femna de 24 ans qu’auriá una malautiá mentala e que se seriá disputada amb la maire de Lola abans lo crime.
 
D’origina argeriana, la murtrièra presumida se tròba en França en situacion irregulara e aviá recebut un òrdre d’obligacion de quitar lo territòri (OQTF). Los principals caps de l’extrèma drecha an fach servir lo crime per noirir lor discors contra l’immigracion. Aital, mentre qu’Éric Zemmour parlèt de “francocidi” sus Twitter, l’organizacion ultradrechista Institut per la Justícia convoquèt ièr una manifestacion a la quala assistiguèron de personalitats de l’extrèma drecha francesa coma Zemmour, Marine Le Pen e Jordan Bardella, a mai de qualques dirigents dels Republicans.
 
L’afar es arribat a l’Assemblada Nacionala ont l’extrèma drecha a acusat lo govèrn de “laxisme” davant las politicas d’immigracion. De son caire, lo ministre de la justícia Éric Dupond-Moretti a criticat que se serviscan “del taüt d’una filha de 12 ans coma se foguèsse un marchapè”.
 
Lo govèrn francés critica la politizacion de l’afar, mas reconeis que cal “melhorar” las percaças d’immigrants illegals”. Totun, lo pòrtavotz del govèrn, Olivier Véran assegura que lo percentatge d’execucion de las OQTF es lo pus naut dempuèi l’epòca de Sarkozy.


 





abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Franc Bardòu
23.

#22 E "pseudo-democracia" lo contrari absolut de la democracia dirècta (e donc efectiva : los electors i vòtan las leis, e non pas mai d'arlèris que los traïràn) , aquò es lo recors al 49.3…

  • 1
  • 1
Leclercq Joan-Marc
22.

#19 Torni sus l'escambi sus l'anarquisme. Disètz qu'es "utopia", doncas qu'es pas possible. Totun a dejà foncionat dens mantuns lòcs dins l'istòria. La lista de las utopias que son vengudas realitats es hèra longa. Lo "maridatge per totis" dambe lo uelhs de quauqu'un de las annadas 1950 per exemple. I auré pas cresut.

Arron d'aquò, la dusau question es tanben de saber s'es bon o pas. La democracia dirècta es lo sola, tot çò de mès es una engana que preng lo nom de "Democracia" mes qu'ac es pas.

  • 0
  • 0
Nom o Peudonim Nimes
21.

#20#19 Per far simple :

1/ la marginalitat es pas una excusa a un assassinat tan crudèl

2/ lo govèrn e sa causida d'una politica liberala plotòcrata que mena al capitalisme lo mai sauvatge e al "darwinisme social" es, en partida, responsable de la pauperisacion e la marginalitat d'una part de la societat dita "francesa", e mòstra las limitas del prinicipi, l'idea que la marginaltitat entrentenguda dels estràngièrs es un encoratgjament a çò que se n'anguen, e sens que còsta pas res a l'estat, aquò marcha pas a cada còp, la pròva, au cap de tres ans qu'èra supausada l'aver quitat per sos propis mejans, èra tostemps sul territòri.

3/ quan lo sage mòstra la luna, lo nèci gaita lo det, "Jornalet" es encara mai de marrida de fe que l'extrèma drecha de recuperar aquesta afar... per denonciar la dita extrèma drecha ???!!!, qui politiza l'afar Lola ? qu'aquesta assassinat sia ligat a un contèxte justament (en partida) denonciat per l'extrèma drecha, es sonque vertat e aquò balha d'aiga a lor molin... Per contra, recuperar l'afar par far un article sus aqueste "racuperacion"... es l'espitau que se trufa de la caritat ! una vergonha : puslèu que de far un omenatge a la prauba Lola, los de Joranalet aquí t'an trobat una bona escasénça de politizar l'afar en far un article contra l'extrèma drecha !!!! ieu, apeli pas aquò "de jornalisma".

  • 4
  • 0
Franc Bardòu
20.

#19 Es ieu que soi desolat per vos. Vòstra cecitat non vos daissa veire que çò que volètz veire. Vos daissi donc a las vòstras consideracions.

  • 1
  • 1
Ròdrigo Bigòrra
19.

#18 Bona neit , que sòi desolat entà vos mès era utopia vòsta no pòt pas fonccionar ,er'istòria deth ester uman qu'ei atau eths mes hòrts que prenen eth poder sus eths mes flacs qu'ei ua constanta que caleré comprener tanben eth heit deth esclavatge totas eras societats umanas que son estadas esclavatgistas ! e'th noste Jesus madeix que'n ei un etsemple eth que volava era patz mès en vertat no s'i ei pas escajud . Ea guerra civila espanhòla no pòt pas estar un etsemple d'escajuda der'anarquia en pormor que'n Aragon e Catalonha tots n'éran pas anarquistas, hèra de gropes franquistas aragonès e catalans que's trobavan enas tropas deths nacionalistas en eth front der'ua societat ath niveu deth yogi e sus tot que cau veger aquerò ath niveu mondiau no pòt pas etsista

  • 0
  • 0

Escriu un comentari sus aqueste article