Actualitats
Gianis Varoufakis manda una campanha per exigir la demission de Josep Borrell
Considèra qu’a una “terribla mentalitat racista e coloniala” en disent qu’Euròpa es “un jardin” e la rèsta del Mond “la jungla”
Tèxte legit
DiEM25, la plataforma politica que la dirigís l’economista grèc Gianis Varoufakis, a aviat una peticion per demandar la demission del cap dels d’afars exteriors de l’Union Europèa, Josep Borrell a causa de las declaracions polemicas que faguèt en comparant Euròpa a un “jardin” e la rèsta del Mond a “la jungla”.
La peticion soslinha qu’aqueles comentaris revèlan una “terribla mentalitat racista e coloniala” que caracteriza la classa dirigenta politica europèa. Los signataris soslinhan que l’analogia facha per Borrell es inacceptabla perque “degrada de milions de personas de païses que se tròban sosdevolopats en consequéncia dirècta de l'eiretatge colonial d’Euròpa”.
Quand faguèt aquela comparason, Borrell diguèt que “los jardinièrs”, en referéncia als politicians de l’UE, devián susvelhar lo jardin: “La selva a una fòrta capacitat de creissença e las barrièras seràn pas jamai pro nautas per protegir los jardins. Los jardinièrs devon anar dins la jungla.”
La peticion soslinha qu’aqueles comentaris revèlan una “terribla mentalitat racista e coloniala” que caracteriza la classa dirigenta politica europèa. Los signataris soslinhan que l’analogia facha per Borrell es inacceptabla perque “degrada de milions de personas de païses que se tròban sosdevolopats en consequéncia dirècta de l'eiretatge colonial d’Euròpa”.
Quand faguèt aquela comparason, Borrell diguèt que “los jardinièrs”, en referéncia als politicians de l’UE, devián susvelhar lo jardin: “La selva a una fòrta capacitat de creissença e las barrièras seràn pas jamai pro nautas per protegir los jardins. Los jardinièrs devon anar dins la jungla.”
PETITION: "We demand the resignation of EU foreign affairs chief Josep Borrell over his racist remarks about non-European countries" Sign here: https://t.co/6WgZhWcYtu
— Yanis Varoufakis (@yanisvaroufakis) October 18, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquel arlèri es un maufatan e un pèc.
Coma maufatan, ne ven de balhar una pròva de mai. E o es talament que dins son quite vilatge natal li an quitat lo nom a la carrièra Josep Borrell per la vergonha de son compòrtament anticatalan acarnassit. E ara nos sortís coma un Ferry de trista memòria.
Pèc, per çò que se vegèt un moment coma lo successor de Felipe González al cap del govèrn de l'estat espanhòl. Voliá ignorar qu'un Catalan pòt pas èsser acceptat pels Castelhans e autres espanholistas cavernicòlas, emai se presente coma socialista del PSO-ESPANHÒL.
E ara fa lo pavon a costat de la VDL, e ditz de monstruositats. Rai ! Es aquí per contrar los govèrns, coma lo d'Eslovenia o dels Países Baltes que se mòstron dobèrts al prosèssus democratic catalan.
La peticion soslinha qu’aqueles comentaris revèlan una “terribla mentalitat racista e coloniala” que caracteriza la classa dirigenta politica francesa ? A non, europèa, perdon… M'èri enganat, en tot legir tròp aviat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari