Actualitats
Jean Castex demorarà a París coma cap de l’RATP jos l’ombra del conflicte d’interèsses
L’èx-primièr ministre francés dirigirà los transpòrts en comun de l’Illa de França mas es obligat de “s’absténer de tota cambada” al près de sos ancians ministres
Tèxte legit
Lo president francés, Emmanuel Macron, a nomenat l’èx-primièr ministre Jean Castex director general de la Regia Autonòma dels Transpòrts Parisencs (RATP). L’RATP es una entrepresa publica que gerís los transpòrts urbans de París e la banlèga, compreses los trens, los autobuses, los tramvais e lo mètro. La nominacion de Castex deu encara èsser aprovada per las comissions competentas del sector dels transpòrts, tant a l’Assemblada Nacionala francesa coma al Senat.
La question importanta d’aquela nominacion es se Castex poiriá aver de dificultats de compatibilitat en causa de sas ancianas foncions coma primièr ministre francés. S'es confirmat director de l'RATP, Castex deurà afrontar de situacions delicadas, çò a avertit la Nauta Autoritat Francesa per la Transparéncia de la Vida Publica (HATVP segon sa sigla en francés), un organ que contraròtla l’integritat dels trabalhadors publics.
Ara per ara, aquela institucion a aprovat la nominacion de Castex e aquò lo salva de consequéncias penalas per conflicte d’interèsses. Totun, l’HATVP a emés un comunicat que demanda a l’èx-politician gascon de “s’absténer de tota cambada, compresas las de representacion d’interèsses” al près de sos ancians ministres totjorn en pòst o al près dels “servicis qu’èra plaçats jos son autoritat dirècta”.
Per tant, Castex poirà pas rescontrar d’interlocutors necessaris per far son trabalh, coma la primièra ministra, Elisabeth Borne, èx-presidenta de l'RATP, lo ministre dels transpòrts, Clément Béaune; e lo ministre de l’Interior, Gérald Darmanin, ara que París aculhirà la Copa del Mond de Rugbi en 2023 e los Jòcs Olimpics en 2024.
Pendent son periòde coma primièr ministre, aviá mostrat sa simpatia pel mond dels transpòrts en comun. De fach, en agost foguèt nomenat president del conselh d’administracion de l’Agéncia Francesa de Finançament d’Infrastructuras de Transpòrt, Afit França.
Delà la polemica pel conflicte d’interèsses, Castex pren lo comandament dels transpòrts publics de l'Illa de França dins un encastre de caumas dels salariats que revendican de melhors salaris.
La question importanta d’aquela nominacion es se Castex poiriá aver de dificultats de compatibilitat en causa de sas ancianas foncions coma primièr ministre francés. S'es confirmat director de l'RATP, Castex deurà afrontar de situacions delicadas, çò a avertit la Nauta Autoritat Francesa per la Transparéncia de la Vida Publica (HATVP segon sa sigla en francés), un organ que contraròtla l’integritat dels trabalhadors publics.
Ara per ara, aquela institucion a aprovat la nominacion de Castex e aquò lo salva de consequéncias penalas per conflicte d’interèsses. Totun, l’HATVP a emés un comunicat que demanda a l’èx-politician gascon de “s’absténer de tota cambada, compresas las de representacion d’interèsses” al près de sos ancians ministres totjorn en pòst o al près dels “servicis qu’èra plaçats jos son autoritat dirècta”.
Per tant, Castex poirà pas rescontrar d’interlocutors necessaris per far son trabalh, coma la primièra ministra, Elisabeth Borne, èx-presidenta de l'RATP, lo ministre dels transpòrts, Clément Béaune; e lo ministre de l’Interior, Gérald Darmanin, ara que París aculhirà la Copa del Mond de Rugbi en 2023 e los Jòcs Olimpics en 2024.
Pendent son periòde coma primièr ministre, aviá mostrat sa simpatia pel mond dels transpòrts en comun. De fach, en agost foguèt nomenat president del conselh d’administracion de l’Agéncia Francesa de Finançament d’Infrastructuras de Transpòrt, Afit França.
Delà la polemica pel conflicte d’interèsses, Castex pren lo comandament dels transpòrts publics de l'Illa de França dins un encastre de caumas dels salariats que revendican de melhors salaris.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Puta ! A capitat aquel, es vengut un monsur, tè ! Emai que los poderoses de Paris se son entrèvats plan braves de li trapar tornamai una bona plaça. Segur que tocarà una bona retirada quand tornarà al païs, vesètz pichons, es un exemple de seguir !
A, aquí a l'RATP, amb l'accent del país nòstre, aqueste arlèri poirà tranquillament continuar d'impausar sa fotuda que maldita gestion ultraliberala a d'emplegats e d'usatgièrs que non ne vòlon, ges ni mica. E se non son contents,; lor poirà totjorn far mandar los truca-caps assermentats del manten de l'òrdre.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari