Actualitats
Canadà: un tribunal rebuta l’acòrdi d’indemnizacion dels enfants autoctòns raubats
Entre 1863 e 1998, lo govèrn canadenc aviá separat 150 000 enfants de lors famihas e los aviá internats per tal de lor escafar la cultura e las tradicions. Maites moriguèron dels maltractaments e de la fam
Tèxte legit
Lo Tribunal Canadenc dels Dreches de la Persona rebutèt dimars passat l’ofèrta de compensacion als enfants autoctòns e lors familhas victimas de discriminacion en causa del sistèma dich de proteccion de l’enfança; entre los ans 1863 e 1998, lo govèrn canadenc aviá raubat 150 000 mainatges a lors famihas e los aviá internats per lor escafar la cultura e las tradicions. Maites moriguèron dels maltractaments e de la fam.
Lo govèrn estatal prepausava una indemnizacion de 40 miliards de dolars canadencs (aperaquí 30 miliards d’èuros), mas lo tribunal o a refusat en estimant que l’acòrdi exclusiá cèrts mainatges.
La mitat del montant de l’acòrdi deviá servir a compensar los enfants autoctòns que lor gàrdia èra estada levada a lors parents e qu’èran estats plaçats dins lo sistèma de proteccion de l’enfança, mentre que l’autra mitat deviá permetre de reformar aquel sistèma pendent las cinc annadas venentas.
Per cèrts dirigents de las Primièras Nacions, la decision del tribunal farà pas que retardar aquelas reformas e l’indemnizacion de près de 300 000 enfants e lors familhas. Malgrat que representen mens de l’8 % dels mainatges de mens de 14 ans en Canadà, los enfants autoctòns constituissián mai de la mitat dels qu’avián patit lo sistèma de proteccion de l’enfança, segon un recensament de 2016.
L’anóncia de l’acòrdi èra intervenguda en plena introspeccion del país suls tòrts causats als inuits, mestisses o membres de las Primièras Nacions coma los denes, mohawks, ojibways, crees, algonquins…
A la fin de mai de 2021, trobèron las rèstas de 215 còrses jol pensionat indigèna de Kamloops, un dels qu’internavan d’enfants dels pòbles originaris; èran mòrts dels maltractaments e de la fam.
Lo govèrn estatal prepausava una indemnizacion de 40 miliards de dolars canadencs (aperaquí 30 miliards d’èuros), mas lo tribunal o a refusat en estimant que l’acòrdi exclusiá cèrts mainatges.
La mitat del montant de l’acòrdi deviá servir a compensar los enfants autoctòns que lor gàrdia èra estada levada a lors parents e qu’èran estats plaçats dins lo sistèma de proteccion de l’enfança, mentre que l’autra mitat deviá permetre de reformar aquel sistèma pendent las cinc annadas venentas.
Per cèrts dirigents de las Primièras Nacions, la decision del tribunal farà pas que retardar aquelas reformas e l’indemnizacion de près de 300 000 enfants e lors familhas. Malgrat que representen mens de l’8 % dels mainatges de mens de 14 ans en Canadà, los enfants autoctòns constituissián mai de la mitat dels qu’avián patit lo sistèma de proteccion de l’enfança, segon un recensament de 2016.
L’anóncia de l’acòrdi èra intervenguda en plena introspeccion del país suls tòrts causats als inuits, mestisses o membres de las Primièras Nacions coma los denes, mohawks, ojibways, crees, algonquins…
A la fin de mai de 2021, trobèron las rèstas de 215 còrses jol pensionat indigèna de Kamloops, un dels qu’internavan d’enfants dels pòbles originaris; èran mòrts dels maltractaments e de la fam.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 A çò que me sembla i a ver comprés, seriá per amor qu'aqueles 150 000 "desdaumatjats" ne daissarián de caire 150 000 de mai (chifras mieunas qu'azarodosas). Se seriá agit d'un problèma d'equitat, ligat possiblament a una definicion tròp limitada del daumatge : "Lo tribunal o a refusat en estimant que l’acòrdi exclusiá cèrts mainatges"…
Après, çò qu'aquí non sabèm pas — mas qu'o podèm sospeitar —, es se los "150 000 de mai" son tanben de "natius" o enfants de la colonizacion progressiva. E es benlèu aquò qu'a fait reagir negativament los "natius" que s'i despacientan, ben a rason dins aqueste cas…
Sus quna basa lo Tribunal a denegat la decision ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari