capçalera campanha

Actualitats

InternacionalPolitica

Descapelar los prèires shiitas: nòu biais de protèsta en Iran

Suls rets socials podèm veire de vidèos de tota sòrta ont de joves umílian los prèires

Tèxte legit

Las protèstas en Iran contra lo regim dels aiatollàs, que comencèron en seguida de la mòrt de Jina Amini (oficialament Mahsa Amini), contunhan malgrat la dura repression. Aquestes darrièrs jorns, los mai joves an cercat de nòus biaisses d’exprimir lor malcontentament sens se deure expausar dins de grandas manifestacions.
 
Per ansin, s’es popularizat una manièra de protestar que consistís a descapelar los prèires shiitas, vestits de turbans. Suls rets socials podèm veire de vidèos de tota sòrta ont de joves, sustot amb la cara cobèrta de mascas contra la covid, umílian los prèires.
 
De fach, un dels vidèos mai impressionants —se sap pas ont se passa— mòstra un grop de personas a tirar lo turban d’un prèire e, tanlèu al sòl, a li donar de còps de pè. L’òme fugís amb sos assistents.

 




abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Pitaluga
2.

#1
O anavi dire. Sòrt per eles que los manifestants son de mond civilizats, que dins lo mond d'aqueles enturbanats n'i a que pòrtan lo còp un vintenat de centimètres enbàs.
E son plan braves aqueles manifestants de manténer la non violéncia quand òm vei que los mòrts per la repression se còmptan ja per desenas.

  • 0
  • 0
Franc Bardòu
1.

Se lo capèl non i basta pas, benlèu caldrà amirar un pauc mai en dejós, fins que comprengan ?

  • 4
  • 1

Escriu un comentari sus aqueste article